ਐਲਬਰਟਾਵਾਸੀਆਂ ਸੂਬੇ ਦੀ ਪੈਨਸ਼ਨ ਯੋਜਨਾ ਲਈ ਇਛੁੱਕ ਨਹੀਂ :ਪ੍ਰੀਮੀਅਰ ਸਮਿਥ

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਬੀਤੇ ਦਿਨ ਕਿਹਾ ਕਿ ਫਿਲਹਾਲ ਉਹ ਸੂਬੇ ਦੀ ਪੈਨਸ਼ਨ ਯੋਜਨਾ ਬਾਰੇ ਕੋਈ ਵਿਚਾਰ ਨਹੀਂ ਕਰ ਰਹੀ ਕਿਉਂਕਿ ਉਨ੍ਹਾਂ ਨੂੰ ਨਹੀਂ ਲੱਗਦਾ ਲੋਕ ਇਸ ਲਈ ਇਛੁੱਕ ਹਨ। ਇਸ ਦਾ ਕਾਰਨ ਇਸ ਯੋਜਨਾ ਸਬੰਧੀ ਪੂਰੀ ਜਾਣਕਾਰੀ ਨਾ ਹੋਣਾ ਅਤੇ ਇਸ ਸਬੰਧੀ ਸਹੀ ਪ੍ਰਚਾਰ ਨਹੀਂ ਹੋ ਸਕਿਆ।

ਦਸੰਬਰ ਵਿਚ ਕੈਨੇਡੀਅਨ ਔਫੀਸ਼ੀਅਲਜ਼ ਵਲੋਂ ਦੱਸਿਆ ਗਿਆ ਕਿ ਜਿੰਨਾ ਸੂਬਾ ਸਰਕਾਰ ਨੇ ਕੈਨੇਡਾ ਪੈਨਸ਼ਨ ਵਿਚੋਂ ਬਾਹਰ ਹੋਣ 'ਤੇ ਮਿਲਣ ਵਾਲੀ ਰਕਮ ਦਾ ਅੰਦਾਜ਼ਾ ਲਾਇਆ ਸੀ, ਉਸ ਤੋਂ ਬਹੁਤ ਘੱਟ ਸੂਬੇ ਦਾ ਹਿੱਸਾ ਬਣਦਾ ਹੈ। ਸੂਬਾ ਸਰਕਾਰ ਨੇ 2023 ਵਿਚ ਕੈਨੇਡਾ ਪੈਨਸ਼ਨ ਪਲੈਨ ਵਿਚੋਂ ਐਲਬਰਟਾ ਨੂੰ ਬਾਹਰ ਕੱਢਣ ਦਾ ਵਿਚਾਰ ਪੇਸ਼ ਕੀਤਾ ਸੀ।