New Conservative caucus set to meet in Ottawa as Poilievre pledges to learn, grow

ਕੰਜ਼ਰਵੇਟਿਵ ਦੇ ਨਵੇਂ ਚੁਣੇ ਗਏ ਐਮ.ਪੀ. ਦੀ ਬੈਠਕ, ਹੋਵੇਗੀ ਵਿਰੋਧੀ ਧਿਰ ਦੇ ਲੀਡਰ ਦੀ ਚੋਣ

Share On

new-conservative-caucus-set-to-meet-in-ottawa-as-poilievre-pledges-to-learn-grow

A number of high-profile Conservative MPs have expressed their support for Poilievre to stay on as leader in the last week.(Photo: The Canadian Press)

ਕੰਜ਼ਰਵੇਟਿਵ ਦੇ ਨਵੇਂ ਚੁਣੇ ਗਏ ਐਮ.ਪੀ. ਅੱਜ ਔਟਵਾ ਵਿਚ ਬੈਠਕ ਕਰ ਰਹੇ ਹਨ, ਜਿਸ ਵਿਚ ਪਾਰਟੀ ਕਾਕਸ-ਹਾਊਸ ਆਫ਼ ਕਾਮਨਜ਼ ਦੀ ਸਪਰਿੰਗ ਸੀਟਿੰਗ ਲਈ ਵਿਰੋਧੀ ਧਿਰ ਲੀਡਰ ਚੁਣ ਸਕਦਾ ਹੈ ਕਿਉਂਕਿ ਪੌਲੀਐਵ ਇਸ ਸਮੇਂ ਸਾਂਸਦ ਨਹੀਂ ਹਨ। ਪਿਛਲੇ ਹਫ਼ਤੇ ਕਈ ਹਾਈ-ਪ੍ਰੋਫਾਈਲ ਕੰਜ਼ਰਵੇਟਿਵ ਐਮ.ਪੀ. ਨੇ ਪੌਲੀਐਵ ਨੂੰ ਪਾਰਟੀ ਪ੍ਰਧਾਨ ਵਜੋਂ ਬਣੇ ਰਹਿਣ ਲਈ ਆਪਣਾ ਸਮਰਥਨ ਪ੍ਰਗਟ ਕੀਤਾ ਹੈ ਪਰ ਇਸ ਮਹੀਨੇ ਦੇ ਅੰਤ ਵਿਚ ਹਾਊਸ ਆਫ ਕਾਮਨਜ਼ ਦੀ ਸੀਟਿੰਗ ਸ਼ੁਰੂ ਹੋ ਰਹੀ ਹੈ ਅਤੇ ਪਾਰਟੀ ਦੀ ਸੰਸਦ ਵਿਚ ਅਗਵਾਈ ਲਈ ਕੋਈ ਵਿਰੋਧੀ ਧਿਰ ਦਾ ਨੇਤਾ ਨਹੀਂ ਹੈ।

ਪੌਲੀਐਵ ਔਟਵਾ ਦੀ ਜਿਸ ਕਾਰਲਟਨ ਰਾਈਡਿੰਗ ਦੀ 20 ਸਾਲਾਂ ਤੋਂ ਨੁਮਾਇੰਦਗੀ ਕਰ ਰਹੇ ਸਨ ਉਹ ਇਹ ਸੀਟ ਇਨ੍ਹਾਂ ਚੋਣਾਂ ਵਿਚ ਹਾਰ ਗਏ ਸਨ ਅਤੇ ਹੁਣ ਉਹ ਐਲਬਰਟਾ ਦੀ ਬੈਟਲ ਰਿਵਰ-ਕਰੋਫੁੱਟ ਰਾਈਡਿੰਗ ਤੋਂ ਉਪ-ਚੋਣ ਲੜਨ ਲਈ ਹਲਕੇ ਦੇ ਦੌਰੇ ਕਰ ਰਹੇ ਹਨ। ਇਹ ਸੀਟ ਉਨ੍ਹਾਂ ਲਈ ਸਾਂਸਦ ਡੈਮੀਅਨ ਕੁਰੇਕ ਵਲੋਂ ਖਾਲੀ ਕੀਤੀ ਜਾਣੀ ਹੈ।

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਵ੍ਹਾਈਟ ਹਾਊਸ ਵਿਚ ਟਰੰਪ ਨਾਲ ਮੁਲਾਕਾਤ ਕਰਨ ਜਾ ਰਹੇ ਹਨ। ਦੋਹਾਂ ਲੀਡਰਾਂ ਵਿਚਾਲੇ ਇਹ ਪਹਿਲੀ ਆਹਮੋ-ਸਾਹਮਣੇ ਮੁਲਾਕਾਤ ਉਦੋਂ ਹੋ ਰਹੀ ਹੈ ਜਦੋਂ ਕੈਨੇਡਾ ਅਤੇ ਅਮਰੀਕਾ ਦੇ ਦੁਵੱਲੇ ਸਬੰਧ ਦਹਾਕਿਆਂ ਵਿਚ ਆਪਣੇ ਸਭ ਤੋਂ ਹੇਠਲੇ ਪੱਧਰ 'ਤੇ ਹਨ ਅਤੇ ਟਰੇਡ ਵਾਰ ਚੱਲ ਰਹੀ ਹੈ। ਕਾਰਨੀ ਬੀਤੇ ਕੱਲ੍ਹ ਵਾਸ਼ਿੰਗਟਨ ਪਹੁੰਚੇ ਸਨ। ਹੁਣ ਤੱਕ ਕੈਨੇਡਾ ਅਮਰੀਕਾ ਦਾ ਦੂਜਾ ਸਭ ਤੋਂ ਵੱਡਾ ਵਪਾਰਕ ਭਾਈਵਾਲ ਰਿਹਾ ਹੈ ਪਰ ਹਾਲ ਹੀ ਦੇ ਮਹੀਨਿਆਂ ਵਿਚ ਟਰੰਪ ਦੇ ਹਮਲਾਵਰ ਟੈਰਿਫ ਨੇ ਲੰਬੇ ਸਮੇਂ ਤੋਂ ਚੱਲ ਰਹੇ ਰਿਸ਼ਤੇ ਨੂੰ ਕਮਜ਼ੋਰ ਕੀਤਾ ਹੈ।