Alberta reports 17 more cases of measles, bringing total to 210

ਐਲਬਰਟਾ ਵਿਚ ਖਸਰੇ ਦੇ ਮਾਮਲੇ ਹੋਏ 210

Share On

alberta-reports-17-more-cases-of-measles-bringing-total-to-210

It says 26 of the total cases are considered active and could be transmitted to others. As of last week, 11 Albertans have been hospitalized with the highly contagious disease.(Photo: The Canadian Press)

ਐਲਬਰਟਾ ਵਿਚ ਖਸਰੇ ਦੇ ਮਾਮਲੇ 210 ਹੋ ਗਏ ਹਨ ਅਤੇ ਸਿਹਤ ਮੰਤਰੀ ਐਡਰੀਆਨਾ ਲਾਗਰੇਂਜ ਅੱਜ ਇਸ ਸਬੰਧੀ ਅਪਡੇਸ਼ਨ ਸਾਂਝੀ ਕਰਨਗੇ। ਸੂਬੇ ਦੇ ਨਵੇਂ ਚੁਣੇ ਗਏ ਅੰਤਰਿਮ ਮੁੱਖ ਮੈਡੀਕਲ ਅਫ਼ਸਰ ਸਿਹਤ ਡਾ.ਸੁਨੀਲ ਸੂਕਰਮ ਅਤੇ ਸਾਬਕਾ ਅੰਤਰਿਮ ਸੀ.ਐਮ.ਓ.ਐਚ.ਡਾ. ਮਾਰਕ ਜੋਫ ਉਨ੍ਹਾਂ ਨਾਲ ਸੰਬੋਧਨ ਕਰਨਗੇ।

ਐਲਬਰਟਾ ਹੈਲਥ ਸਰਵਿਸਿਜ਼ ਮੁਤਾਬਕ ਸ਼ੁੱਕਰਵਾਰ 17 ਨਵੇਂ ਮਾਮਲੇ ਸਾਹਮਣੇ ਆਏ, ਜਿਨ੍ਹਾਂ ਵਿਚੋਂ ਕੁਝ ਲੋਕ ਕੈਲਗਰੀ ਅਤੇ ਦੋ ਪਹਾੜੀਆਂ ਵਿਚ ਗਏ ਸਨ। ਇਸ ਲਈ ਇਨ੍ਹਾਂ ਇਲਾਕਿਆਂ ਵਿਚ ਘੁੰਮਣ ਵਾਲੇ ਲੋਕਾਂ ਨੂੰ ਵਧੇਰੇ ਧਿਆਨ ਦੇਣ ਲਈ ਕਿਹਾ ਗਿਆ ਹੈ। 121 ਮਰੀਜ਼ਾਂ ਦੀ ਉਮਰ 5 ਤੋਂ 17 ਸਾਲ ਵਿਚਕਾਰ ਹੈ। ਅਪ੍ਰੈਲ ਦੇ ਸ਼ੁਰੂ ਵਿਚ ਸੂਬੇ ਵਿਚ 30 ਫੀਸਦੀ ਲੋਕਾਂ ਨੇ ਖਸਰੇ ਦਾ ਟੀਕਾ ਨਹੀਂ ਲਗਵਾਇਆ ਸੀ ਜਦਕਿ ਹਰੇਕ ਲਈ ਇਹ ਟੀਕਾ ਮੁਫਤ ਅਤੇ ਜ਼ਰੂਰੀ ਹੈ।

ਸੈਂਟਰਲ ਐਲਬਰਟਾ ਵਿਚ ਸ਼ਨੀਵਾਰ ਰਾਤ ਵਾਪਰੇ ਸੜਕ ਹਾਦਸੇ ਕਾਰਨ 4 ਵਿਅਕਤੀਆਂ ਦੀ ਮੌਤ ਹੋ ਗਈ। ਪੋਨੋਕਾ ਆਰ.ਸੀ.ਐਮ.ਪੀ. ਮੁਤਾਬਕ ਰਾਤ ਕਰੀਬ 11 ਵਜੇ ਟਾਊਨਸ਼ਿਪ ਰੋਡ 434 ਨੇੜਲੇ ਹਾਈਵੇਅ 2A 'ਤੇ ਤਿੰਨ ਵਾਹਨਾਂ ਵਿਚਕਾਰ ਟੱਕਰ ਹੋਈ। ਪੁਲਿਸ ਮੁਤਾਬਕ 41 ਸਾਲਾ ਔਰਤ ਗੱਡੀ ਨੂੰ ਡਰਾਈਵ ਕਰ ਰਹੀ ਸੀ ਅਤੇ ਉਸ ਨੇ ਉੱਥੇ ਹੀ ਦਮ ਤੋੜ ਦਿੱਤਾ। ਉਸ ਨਾਲ ਕੋਈ ਹੋਰ ਮੌਜੂਦ ਨਹੀਂ ਸੀ।

ਕੈਲਗਰੀ ਵਿਚ ਫਿਟਨੈਸ ਇੰਸਟ੍ਰਕਟਰ ਦੇ ਕਾਤਲ ਦੇ ਅਪਰਾਧਿਕ ਜ਼ਿੰਮੇਵਾਰ ਨਾ ਹੋਣ ਦੀ ਦਲੀਲ ਜਿਊਰੀ ਨੇ ਖਾਰਜ ਕਰ ਦਿੱਤੀ ਹੈ। ਉਸ ਨੂੰ ਫਸਟ ਡਿਗਰੀ ਮਰਡਰ ਲਈ ਦੋਸ਼ੀ ਠਹਿਰਾਇਆ ਗਿਆ ਹੈ। 3 ਸਾਲ ਪਹਿਲਾਂ 29 ਸਾਲਾ ਮਾਈਕਲ ਐਡੇਨੀ ਨੇ 30 ਸਾਲਾ ਵੈਨੇਸਾ ਲਾਡੂਸਰ ਦਾ ਚਾਕੂ ਮਾਰ ਕੇ ਕਤਲ ਕਰ ਦਿੱਤਾ ਸੀ। ਐਡੇਨੀ ਦੇ ਵਕੀਲ ਅਤੇ ਉਸ ਦੀ ਮਾਂ ਨੇ ਦਲੀਲ ਪੇਸ਼ ਕੀਤੀ ਸੀ ਕਿ ਉਸ ਨੂੰ ਦਿਮਾਗੀ ਪਰੇਸ਼ਾਨੀ ਕਾਰਨ ਭਿਆਨਕ ਜਾਨਵਰ ਦਿਖਾਈ ਦਿੰਦੇ ਸਨ,ਜਿਸ ਕਾਰਨ ਉਸ ਨੇ ਵਹਿਮ ਕਾਰਨ ਲਾਡੂਸਰ ਦਾ ਕਤਲ ਕਰ ਦਿੱਤਾ। ਲਾਡੂਸਰ ਦੇ ਵਕੀਲ ਨੇ ਪੱਖ ਰੱਖਦਿਆਂ ਕਿਹਾ ਕਿ ਉਹ ਅਪਰਾਧਿਕ ਜ਼ਿੰਮੇਵਾਰੀ ਤੋਂ ਬਚਣ ਲਈ ਮਾਨਸਿਕ ਸਿਹਤ ਦਾ ਸਹਾਰਾ ਲੈ ਰਿਹਾ ਹੈ। ਫੁਟੇਜ ਤੋਂ ਪਤਾ ਲੱਗਾ ਕਿ ਉਸ ਨੇ ਦੋ ਬਲੌਕਸ ਤੱਕ ਉਸ ਦਾ ਪਿੱਛਾ ਕੀਤਾ ਸੀ। ਉਸ ਨੂੰ ਇਕ ਪਾਸੇ ਲੈ ਜਾ ਕੇ ਕਈ ਵਾਰ ਉਸ ਨੂੰ ਚਾਕੂ ਮਾਰੇ,ਉਸ ਦੇ ਚਿਹਰੇ 'ਤੇ 6 ਵਾਰ ਚਾਕੂ ਦੇ ਜ਼ਖਮ ਪਾਏ ਗਏ,ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ।ਉਸ ਨੂੰ ਸਜ਼ਾ ਦੇਣ ਦੀ ਤਾਰੀਖ 9 ਮਈ ਨੂੰ ਨਿਸ਼ਚਿਤ ਹੋਵੇਗੀ।