10.29°C Vancouver 10.29°C Vancouver
Sep 13, 2023 8:52 PM - CONNECT NEWS
Alberta ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਔਟਵਾ ਨੂੰ ਸਟ੍ਰੌਂਗ ਮੈਸੇਜ ਦਿੰਦੇ ਹੋਏ ਸੂਬੇ ਦੇ ਔਇਲ ਤੇ ਗੈਸ ਸੈਕਟਰ ਨੂੰ ਬਰਕਰਾਰ ਰੱਖਣ ਦੀ ਗੱਲ ਆਖੀ ਹੈ। ਸਮਿਥ ਨੇ ਕਿਹਾ ਕਿ ਅਸੀਂ fossil fuel ਦੇ ਇਸਤੇਮਾਲ ਨੂੰ ਨਹੀਂ ਖ਼ਤਮ ਕਰਨ ਵਾਲੇ ਬਲਿਕ emissions ਨੂੰ ਖ਼ਤਮ ਕਰਨ ਜਾ ਰਹੇ ਹਾਂ।
Edmonton ਵਿਚ ਮੰਗਲਵਾਰ ਨੂੰ ਔਇਲ ਐਗਜ਼ੀਕਿਊਟਿਵ ਨੂੰ ਸੰਬੋਧਨ ਕਰਦੇ ਹੋਏ ਉਨ੍ਹਾਂ ਨੇ ਕਾਰਬਨ ਕੈਪਚਰ ਪ੍ਰੋਜੈਕਟਸ ਟੈਕਨੋਲੋਜੀਜ਼ 'ਤੇ ਜ਼ੋਰ ਦਿੱਤਾ।
ਉਨ੍ਹਾਂ ਕਿਹਾ ਕਿ ਸੂਬਾ ਐਨਰਜੀ ਸੈਕਟਰ ਵਿਚ ਕਾਰਬਨ ਨਿਊਟ੍ਰੈਲਿਟੀ'ਤੇ ਕੰਮ ਕਰਦੇ ਹੋਏ ਅੱਗੇ ਵਧੇਗਾ, ਸਾਨੂੰ ਔਟਵਾ ਦੇ ‘ਜਸਟ ਟ੍ਰਾਂਜ਼ੀਸ਼ਨ’ ਦੀ ਲੋੜ ਨਹੀਂ ਕਿਉਂਕਿ Alberta ਦਾ ਆਪਣੀ ਔਇਲ ਤੇ ਗੈਸ ਇੰਡਸਟਰੀ ਨੂੰ ਖ਼ਤਮ ਦਾ ਕੋਈ ਇਰਾਦਾ ਨਹੀਂ।
ਉਹਨਾਂ ਕਿਹਾ ਕਿ ਟ੍ਰਾਂਜ਼ੀਸ਼ਨ ਦਾ ਮਤਲਬ ਔਇਲ ਤੇ ਗੈਸ ਨੂੰ ਖਤਮ ਕਰਨਾ ਨਹੀਂ ਸਗੋਂ emissions ਨੂੰ ਘਟਾਉਣਾ ਹੈ ਤੇ ਸੂਬਾ ਇਹੀ ਕਰ ਰਿਹਾ ਹੈ।
ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਕਿਹਾ ਕਿ Alberta ਕਾਰਬਨ ਕੈਪਚਰ ਐਂਡ ਸਟੋਰੇਜ ਵਰਗੀਆਂ ਟੈਕਨੋਲੋਜੀਜ਼ ਨਾਲ ਵਰਲਡ ਲੀਡਰ ਬਣਨ ਦੀ ਰਾਹ 'ਤੇ ਹੈ ਲਿਬਰਲ ਸਰਕਾਰ ਇਸ ਨੂੰ ਪਸੰਦ ਕਰੇ ਜਾਂ ਨਾ ਕਰੇ। ਉਨਾਂ ਕਿਹਾ ਕਿ ਉਹ ਨਵੰਬਰ ਦੇ ਅਖੀਰ ਤੋਂ ਪਹਿਲਾਂ ਕਾਰਬਨ ਕੈਪਚਰ ਇਨਸੈਂਟਿਵਸ ਲੈ ਕੇ ਆ ਰਹੇ ਹਨ, ਜਿਸ ਤਹਿਤ ਇਨ੍ਹਾਂ ਪ੍ਰੋਜੈਕਟਸ ਨੂੰ ਲਗਾਉਣ ਵਿਚ ਮਦਦ ਦਿੱਤੀ ਜਾਵੇਗੀ।
ਗੌਰਤਲਬ ਹੈ ਕਿ ਕਾਰਬਨ ਕੈਪਚਰ ਐਂਡ ਸਟੋਰੇਜ ਟੈਕਨੋਲੋਜੀਜ਼ ਦਾ ਇਸਤੇਮਾਲ ਪਾਵਰ ਪਲਾਂਟਸ ਅਤੇ ਰਿਫਾਇਨਰੀਜ਼ ਵਰਗੀਆਂ ਇੰਡਸਟਰੀਜ਼ ਤੋਂ ਕਾਰਬਨ ਡਾਈਆਕਸਾਈਡ emissions ਨੂੰ ਵਾਤਾਵਰਣ ਵਿਚ ਜਾਣ ਤੋਂ ਰੋਕਣ ਵਿਚ ਕੀਤਾ ਜਾਂਦਾ ਹੈ।
