ਐਲਬਰਟਾ ਦੀ ਪ੍ਰੀਮੀਅਰ ਵਲੋੰ ਨੌਟਵਿਥਸਟੈਂਡਿੰਗ ਕਲੌਸ ਵਰਤਣ ਦੇ ਬਿਆਨ ਦੀ ਟਰਾਂਸਜੈਂਡ਼ਰ ਗਰੁੱਪ ਵਲੋਂ ਨਿੰਦਾ

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਵਲੋਂ ਟਰਾਂਸਜੈਂਡਰ ਬਿੱਲ ਨੂੰ ਬਚਾਉਣ ਲਈ ਨੌਟਵਿਥਸਟੈਂਡਿੰਗ ਕਲੌਸ ਦੀ ਵਰਤੋਂ ਕਰਨ ਦੇ ਬਿਆਨ ਦੇ ਬਾਅਦ ਈਗਲ ਕੈਨੇਡਾ ਗਰੁੱਪ ਦੇ ਵਕੀਲ ਨੇ ਇਸ ਦੀ ਨਿੰਦਾ ਕੀਤੀ ਹੈ।

ਬੇਨੇਟ ਜੇਨਸਨ ਨੇ ਕਿਹਾ ਕਿ ਇਕ ਲੀਡਰ ਵਲੋਂ ਚੁੱਕਿਆ ਗਿਆ ਗਲਤ ਕਦਮ ਹੈ, ਜਿਸ ਨਾਲ ਉਹ ਪਰੇਸ਼ਾਨ ਹਨ। ਉਨ੍ਹਾਂ ਕਿਹਾ ਕਿ ਉਹ ਆਸ ਕਰਦੇ ਹਨ ਕਿ ਸਮਿਥ ਅਦਾਲਤ ਦੇ ਫੈਸਲੇ ਦਾ ਸਨਮਾਨ ਕਰਦਿਆਂ ਇਸ ਨੂੰ ਮੰਨੇਗੀ। ਦੱਸ ਦਈਏ ਕਿ ਜਿਨ੍ਹਾਂ ਦੋ ਸੰਸਥਾਵਾਂ ਨੇ ਟਰਾਂਸਜੈਂਡਰ ਬਿੱਲ ਨੂੰ ਅਦਾਲਤ ਵਿਚ ਚੁਣੌਤੀ ਦਿੱਤੀ ਹੈ, ਜੇਨਸਨ ਉਸ ਦੇ ਲੀਗਲ ਡਾਇਰੈਕਟਰ ਹਨ। ਇਸ ਕਾਨੂੰਨ ਨਾਲ ਡੌਕਟਰਜ਼ ਨੂੰ 16 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਦੇ ਲਿੰਗ ਬਦਲਣ ਵਾਲਾ ਇਲਾਜ ਦੇਣ ਦੀ ਪਾਬੰਦੀ ਹੋਵੇਗੀ।

ਸਮਿਥ ਨੇ ਸ਼ਨੀਵਾਰ ਕਿਹਾ ਕਿ ਉਹ ਨਹੀਂ ਚਾਹੁੰਦੀ ਕਿ ਬੱਚੇ ਛੋਟੀ ਉਮਰ ਵਿਚ ਹੀ ਉਨ੍ਹਾਂ ਦੀ ਜ਼ਿੰਦਗੀ ਨੂੰ ਪ੍ਰਭਾਵਿਤ ਕਰਨ ਵਾਲਾ ਫੈਸਲਾ ਲੈ ਲੈਣ। ਇਸ ਲਈ ਉਨ੍ਹਾਂ ਨੂੰ ਥੋੜ੍ਹੇ ਹੋਰ ਵੱਡੇ ਹੋਣ ਦੀ ਜ਼ਰੂਰਤ ਹੈ। ਐਨਡੀਪੀ ਦੇ ਨੇਤਾ ਨਾਹੀਦ ਨੇਨਸ਼ੀ ਨੇ ਸਮਿਥ ਵਲੋਂ ਨੌਟਵਿਥਸਟੈਂਡਿੰਗ ਕਲੌਸ ਦੀ ਵਰਤੋਂ ਦੇ ਐਲਾਨ ਦੀ ਨਿੰਦਾ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਪ੍ਰੀਮੀਅਰ ਨੂੰ ਲੋਕਾਂ ਦੇ ਕਾਨੂੰਨੀ ਅਧਿਕਾਰਾਂ ਅਤੇ ਆਜ਼ਾਦੀ ਨਾਲ ਕੋਈ ਮਤਲਬ ਨਹੀਂ ਹੈ।