13.37°C Vancouver 13.37°C Vancouver
Oct 23, 2024 12:35 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਅਗਵਾਈ ਵਿਚ ਅੱਜ ਔਟਵਾ ਵਿਚ ਲਿਬਰਲ ਕਾਕਸ ਦੀ ਬੈਠਕ ਹੋ ਰਹੀ ਹੈ, ਇਹ ਬੈਠਕ ਹੰਗਾਮੇਦਾਰ ਰਹਿਣ ਦੇ ਆਸਾਰ ਹਨ ਕਿਉਂਕਿ ਪਾਰਟੀ ਦੇ ਕਈ ਐੱਮ.ਪੀ. ਟਰੂਡੋ ਨੂੰ ਲੀਡਰਸ਼ਿਪ ਦੇ ਅਹੁਦੇ ਤੋਂ ਅਸਤੀਫਾ ਦੇਣ ਦੀ ਮੰਗ ਕਰ ਸਕਦੇ ਹਨ। ਸੰਸਦ ਮੈਂਬਰਜ਼ ਕੋਲ ਟਰੂਡੋ ਨੂੰ ਲੀਡਰ ਵਜੋਂ ਅਹੁਦੇ ਤੋਂ ਹਟਾਉਣ ਲਈ ਕੋਈ ਰਸਮੀ ਤਰੀਕਾ ਨਹੀਂ ਹੈ, ਜਿਸ ਦਾ ਮਤਲਬ ਹੈ ਕਿ ਅਹੁਦੇ ਤੋਂ ਹਟਣ ਜਾਂ ਨਾ ਹਟਣ ਦਾ ਫੈਸਲਾ ਆਖਰਕਾਰ ਪ੍ਰਧਾਨ ਮੰਤਰੀ ਟਰੂਡੋ ’ਤੇ ਨਿਰਭਰ ਕਰਦਾ ਹੈ।
ਉਥੇ ਹੀ, ਟਰੂਡੋ ਨੇ ਪਹਿਲਾਂ ਹੀ ਸੰਕੇਤ ਦਿੱਤਾ ਹੈ ਕਿ ਉਹ ਪਾਰਟੀ ਦੀ ਅਗਵਾਈ ਕਰਨਾ ਜਾਰੀ ਰੱਖਣਗੇ। ਇਹ ਅਜੇ ਸਪੱਸ਼ਟ ਨਹੀਂ ਹੈ ਕਿ ਕਿੰਨੇ ਸੰਸਦ ਮੈਂਬਰ ਟਰੂਡੋ ਦੇ ਵਿਰੋਧ ਵਿਚ ਹਨ ਜਾਂ ਉਹ ਬੰਦ ਦਰਵਾਜ਼ੇ ਪਿੱਛੇ ਕੀ ਸੰਦੇਸ਼ ਦੇਣ ਦੀ ਯੋਜਨਾ ਬਣਾ ਰਹੇ ਹਨ ਪਰ ਟਰੂਡੋ ਅਤੇ ਉਨ੍ਹਾਂ ਦੇ ਭਰੋਸੇਯੋਗ ਮੰਤਰੀਆਂ ਦਾ ਮੰਨਣਾ ਹੈ ਕਿ 152 ਮੈਂਬਰ ਕਾਕਸ ਵਿਚੋਂ ਵਧੇਰੇ ਮੈਂਬਰਜ਼ ਪ੍ਰਧਾਨ ਮੰਤਰੀ ਦੇ ਨਾਲ ਹਨ।
ਉਥੇ ਹੀ, ਇਸ ਵਿਚਕਾਰ ਬਲਾਕ ਕਿਊਬੇਕੋਇਸ ਨੇ ਕਿਹਾ ਹੈ ਕਿ ਉਹ ਲਿਬਰਲਸ ਦੀ ਘੱਟ ਗਿਣਤੀ ਸਰਕਾਰ ਨੂੰ 29 ਅਕਤੂਬਰ ਤੱਕ ਦਿੱਤੇ ਅਲਟੀਮੇਟਮ ’ਤੇ ਕਾਇਮ ਹੈ, ਜੇ ਲਿਬਰਲਸ ਨੇ ਉਨ੍ਹਾਂ ਦੀਆਂ ਮੰਗਾਂ ਨੂੰ ਪੂਰਾ ਨਾ ਕੀਤਾ ਤਾਂ ਬਲਾਕ ਸਰਕਾਰ ਨੂੰ ਡੇਗਣ ਲਈ ਕੰਜ਼ਰਵੇਟਿਵ ਦੇ ਅਵਿਸ਼ਵਾਸ ਮਤੇ ਵਿਚ ਸਾਥ ਦੇਵੇਗੀ।
