15.4°C Vancouver 15.4°C Vancouver
Sep 24, 2024 4:17 PM - The Canadian Press
ਮੈਟਰੋ ਵੈਨਕੂਵਰ ਦੇ 6 ਪ੍ਰੁਮੁੱਖ ਅਨਾਜ ਦੇ ਟਰਮੀਨਲ ’ਤੇ ਹੜਤਾਲ ਸ਼ੁਰੂ ਹੋਣ ਕਾਰਨ ਪਿਕੇਟ ਲਾਈਨਾਂ ਵਧ ਗਈਆਂ ਹਨ। ਇਸ ਦੌਰਾਨ ਅਨਾਜ ਮਜ਼ਦੂਰ ਯੂਨੀਅਨ ਸਥਾਨਕ 333 ਦੀ ਨੁਮਾਇੰਦਗੀ ਵਿਚ 600 ਤੋਂ ਵੱਧ ਕਾਮਿਆਂ ਨੇ ਕੰਮਕਾਜ ਠੱਪ ਕਰ ਦਿੱਤਾ ਹੈ। ਯੂਨੀਅਨ ਦੇ ਪ੍ਰਧਾਨ ਡਗਲਸ ਲੀਅ-ਸਮਿਥ ਦਾ ਕਹਿਣਾ ਹੈ ਕਿ ਰੁਜ਼ਗਾਰਦਾਤਾ ਨੂੰ ਸੌਦੇ ’ਤੇ ਗੱਲਬਾਤ ਕਰਨ ਲਈ ਸੌਦੇਬਾਜ਼ੀ ਦੀ ਮੇਜ਼ ’ਤੇ ਵਾਪਸ ਆਉਣ ਦੀ ਜ਼ਰੂਰਤ ਹੈ।
ਯੂਨੀਅਨ ਦਾ ਕਹਿਣਾ ਹੈ ਕਿ ਉਸ ਨੇ ਪਿਛਲੇ ਵੀਰਵਾਰ ਨੂੰ ਰੁਜ਼ਗਾਰਦਾਤਾ ਨੂੰ ਇਕ ਵਿਆਪਕ ਪੈਕੇਜ ਦਿੱਤਾ ਸੀ ਪਰ ਅਗਲੇ ਦਿਨ ਐਸੋਸੀਏਸ਼ਨ ਨੇ ਸੰਕੇਤ ਦਿੱਤਾ ਸੀ ਕਿ ਉਸ ਕੋਲ ਕੋਈ ਜਵਾਬੀ ਪੇਸ਼ਕਸ਼ ਨਹੀਂ ਆਈ ਹੈ।
ਦੂਜੇ ਪਾਸੇ ਵੈਨਕੂਵਰ ਟਰਮੀਨਲ ਐਲੀਵੇਟਰਜ਼ ਐਸੋਸੀਏਸ਼ਨ ਵੱਲੋਂ ਜਾਰੀ ਇਕ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਉਸ ਨੇ 26 ਅਗਸਤ ਨੂੰ ਸੰਘੀ ਵਿਚੋਲਗੀ ਅਤੇ ਸੁਲ੍ਹਾ ਸੇਵਾ ਦੀ ਸਹਾਇਤਾ ਨਾਲ ਯੂਨੀਅਨ ਨਾਲ ਗੱਲਬਾਤ ਦਾ ਰਸਤਾ ਕੱਢਿਆ ਸੀ ਪਰ ਨਵੇਂ ਇਕਰਾਰਨਾਮੇ ’ਤੇ ਸਮਝੌਤਾ ਨਹੀਂ ਹੋ ਸਕਿਆ।
ਜ਼ਿਕਰਯੋਗ ਹੈ ਕਿ ਇਸ ਹੜਤਾਲ ਕਾਰਨ ਵਿਟੇਰਾ ਦੇ ਕੈਸਕੇਡੀਆ ਅਤੇ ਪੈਸੀਫਿਕ ਟਰਮੀਨਲ, ਰਿਚਰਡਸਨ ਇੰਟਰਨੈਸ਼ਨਲ ਟਰਮੀਨਲ, ਕਾਰਗਿਲ ਲਿਮਿਟੇਡ ਟਰਮੀਨਲ, ਜੀ 3 ਟਰਮੀਨਲ ਵੈਨਕੂਵਰ ਅਤੇ ਅਲਾਇੰਸ ਗ੍ਰੇਨ ਟਰਮੀਨਲ ਪ੍ਰਭਾਵਿਤ ਹੋਣਗੇ ਜੋ ਸਾਰੇ ਵੈਨਕੂਵਰ ਅਤੇ ਨੌਰਥ ਵੈਨਕੂਵਰ ਵਿਚ ਸਥਿਤ ਹਨ।
