9.74°C Vancouver 9.74°C Vancouver
Dec 27, 2024 8:21 PM - Connect Newsroom
ਐਲਬਰਟਾ ਦੀ ਵਿਰੋਧੀ ਧਿਰ ਐਨ.ਡੀ.ਪੀ. ਦੇ ਨਵੇਂ ਚੁਣੇ ਲੀਡਰ ਨਾਹੀਦ ਨੈਨਸ਼ੀ ਵਿਧਾਨ ਸਭਾ ਵਿਚ ਸੀਟ ਬਣਾਉਣ ਲਈ ਰਾਈਡਿੰਗ ਦੀ ਭਾਲ ਕਰ ਰਹੇ ਹਨ। ਕੈਲਗਰੀ ਦੇ ਸਾਬਕਾ ਮੇਅਰ 6 ਮਹੀਨਿਆਂ ਤੋਂ ਐਨ.ਡੀ.ਪੀ. ਦੇ ਨੇਤਾ ਵਜੋਂ ਪਾਰਟੀ ਨੂੰ ਸੰਭਾਲ ਰਹੇ ਹਨ ਪਰ ਉਹ ਅਜੇ ਵੀ ਐੱਮ. ਐੱਲ. ਏ. ਨਹੀਂ ਹਨ।
ਯੂਨਾਈਟਿਡ ਕੰਜ਼ਰਵੇਟਿਵ ਪਾਰਟੀ ਵਲੋਂ ਉਨ੍ਹਾਂ ਨੂੰ ਨਿਸ਼ਾਨੇ ’ਤੇ ਲਿਆ ਜਾ ਰਿਹਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ 2025 ਵਿਚ ਹੋਣ ਵਾਲੀਆਂ ਚੋਣਾਂ ਵਿਚ ਉਹ ਇਲੈਕਸ਼ਨ ਵਿਚ ਆਪਣੀ ਰਾਈਡਿੰਗ ਦੀ ਘੋਸ਼ਣਾ ਕਰ ਸਕਦੇ ਹਨ।
ਦੱਸ ਦੇਈਏ ਕਿ ਕਈ ਸਾਲਾਂ ਤੋਂ ਐਨ.ਡੀ.ਪੀ. ਦੀ ਲੀਡਰ ਰਹੀ ਰੇਚਲ ਨੌਟਲੀ ਨੇ ਇਸ ਸਾਲ ਜਨਵਰੀ ਵਿਚ ਆਪਣਾ ਅਹੁਦਾ ਛੱਡਣ ਦਾ ਐਲਾਨ ਕੀਤਾ ਸੀ। ਜੂਨ ਵਿਚ ਇਸ ਵਿਚ ਨੈਨਸ਼ੀ ਨੇ ਸ਼ਾਨਦਾਰ ਜਿੱਤ ਹਾਸਲ ਕੀਤੀ ਸੀ।
ਨੌਟਲੀ ਦੇ ਅਹੁਦਾ ਛੱਡਣ ਮਗਰੋਂ ਉਨ੍ਹਾਂ ਦੀ ਐਡਮਿੰਟਨ-ਸਟਰੈਥਕੋਨਾ ਤੋਂ ਸੀਟ ਖਾਲੀ ਹੋ ਗਈ ਹੈ। ਨੈਨਸ਼ੀ ਇਸੇ ਨੂੰ ਚੁਣਨ ਦੇ ਚਾਹਵਾਨ ਹਨ, ਜਿੱਥੇ ਉਹ ਕਾਫੀ ਸਮਾਂ ਬਤੀਤ ਕਰ ਚੁੱਕੇ ਹਨ। ਉਨ੍ਹਾਂ ਨੇ ਦੋਸ਼ ਲਾਇਆ ਸੀ ਕਿ ਸੂਬੇ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਜਾਣ-ਬੁੱਝ ਕੇ ਜ਼ਿਮਨੀ ਚੋਣ ਕਰਵਾਉਣ ਲਈ ਅਜੇ ਤਿਆਰ ਨਹੀਂ ਹਨ।
