10.2°C Vancouver 10.2°C Vancouver
Sep 7, 2023 8:32 PM - CONNECT NEWS
Edmonton ਦੀ ਲੰਬੇ ਸਮੇਂ ਤੋਂ ਉਡੀਕੀ ਜਾਣ ਵਾਲੀ ਵੈਲੀ ਲਾਈਨ ਸਾਊਥਈਸਟ ਐੱਲ. ਆਰ. ਟੀ. ਇਸ ਫਾਲ ਵਿਚ ਸ਼ੁਰੂ ਹੋਣ ਜਾ ਰਹੀ ਹੈ। ਹਾਲਾਂਕਿ ਇਸ ਦੀ ਸਟੀਕ ਓਪਨਿੰਗ ਤਾਰੀਖ਼ ਬਾਰੇ ਅਜੇ ਜਾਣਕਾਰੀ ਨਹੀਂ ਦਿੱਤੀ ਗਈ ਪਰ TransEd ਦੇ ਸਪੌਕਸਮੈਨ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਆਸ ਹੈ ਕਿ ਇਸ ਫੌਲ ਵਿਚ ਉਹ ਪੈਸੇਂਜਰ ਸਰਵਿਸ ਸ਼ੁਰੂ ਕਰ ਦੇਣਗੇ।
ਸਪੌਕਸਮੈਨ ਮੁਤਾਬਕ 13 ਕਿਲੋਮੀਟਰ ਲੰਬੀ ਕੇਬਲਸ ਦੀ ਰਿਪਲੇਸਮੈਂਟ ਹੋ ਗਈ ਹੈ ਅਤੇ ਟਰੇਨ ਟੈਸਟਿੰਗ ਨੂੰ ਬਹਾਲ ਕਰ ਦਿੱਤਾ ਗਿਆ ਹੈ। ਕੰਪਨੀ ਨੇ ਜੂਨ ਵਿਚ ਦੱਸਿਆ ਸੀ ਕਿ ਇਸ ਨੂੰ ਸ਼ੁਰੂ ਕਰਨ ਤੋਂ ਪਹਿਲਾਂ ਉਹ ਕਈ ਕੇਬਲ ਰਿਪਲੇਸ ਕਰਨ ਮਗਰੋਂ ਇਸ ਦੀ ਸ਼ੁਰੂਆਤ ਕਰਨਗੇ।
ਗੌਰਤਲਬ ਹੈ ਕਿ ਵੈਲੀ ਲਾਈਨ ਲੌਅ-ਫਲੋਰ ਅਰਬਨ ਲਾਈਟ ਰੇਲ ਲਾਈਨ ਹੈ ਜੋ Edmonton ਵਿਚ 2016 ਤੋਂ ਕੰਸਟਰਕਸ਼ਨ ਅਧੀਨ ਹੈ। ਇਹ ਰੇਲ ਲਾਈਨ ਮਿਲਵੁੱਡਸ ਨੂੰ ਡਾਊਨਟਾਊਨ ਨਾਲ ਜੋੜਦੀ ਹੈ।
13 ਕਿਲੋਮੀਟਰ ਲੰਮੇ ਇਸ ਟਰੈਕ 'ਤੇ ਮਿਲਵੁੱਡਸ ਤੋਂ ਡਾਊਨਟਾਊਨ ਤੱਕ 11 ਸਟੌਪਸ ਹਨ। 1.8 ਬਿਲੀਅਨ ਡਾਲਰ ਦੇ ਇਸ ਪ੍ਰੋਜੈਕਟ ਨੂੰ ਪਹਿਲਾਂ ਦਸੰਬਰ 2020 ਵਿਚ ਓਪਨ ਕੀਤਾ ਜਾਣਾ ਸੀ। ਇਸ ਦੀ ਹਾਲ ਦੀ ਓਪਨਿੰਗ ਡੇਟ ਪਿਛਲੀਆਂ ਗਰਮੀਆਂ ਦੀ ਸੀ ਪਰ 18 piers ਵਿਚ ਮਿਲੇ ਦਰਾੜ ਤੋਂ ਸ਼ੁਰੂ ਹੋਈ ਸਮੱਸਿਆ ਵੱਧ ਕੇ 45 piers ਤੱਕ ਪਹੁੰਚ ਗਈ ਜਿਸ ਮਗਰੋਂ ਇਸ ਦੀ ਓਪਨਿੰਗ ਅਣਮਿੱਥੇ ਸਮੇਂ ਲਈ ਡਿਲੇਅ ਕਰ ਦਿੱਤੀ ਗਈ। ਮਿਲਟੀਪਲ ਡਿਲੇਅ ਤੋਂ ਬਾਅਦ ਹੁਣ TransEd ਇਸ ਫੌਲ ਵਿਚ ਇਸ ਦੇ ਖੁੱਲ੍ਹਣ ਨੂੰ ਲੈ ਕੇ ਪੂਰੀ ਤਰ੍ਹਾਂ ਭਰੋਸੇ ਵਿਚ ਹੈ।
TransEd ਨੇ ਇੱਕ ਰਿਲੀਜ਼ ਵਿਚ ਕਿਹਾ ਕਿ ਲੌਅ-ਫਲੋਰ ਅਰਬਨ ਲਾਈਟ ਰੇਲ ਲਾਈਨ ਹੋਣ ਕਾਰਨ ਵੈਲੀ ਲਾਈਨ ਸਾਊਥਈਸਟ ਟ੍ਰਾਂਜ਼ਿਟ ਵਾਰਨਿੰਗ ਬੈੱਲਸ ਅਤੇ ਕਰੌਸਿੰਗ ਗੇਟਸ ਦਾ ਇਸਤੇਮਾਲ ਨਹੀਂ ਕਰੇਗੀ, ਲਿਹਾਜਾ ਲੋਕਾਂ ਨੂੰ ਨਵੀਂ ਰੇਲ ਲਾਈਨ ਕੋਲ ਟ੍ਰੈਫਿਕ ਨਿਯਮਾਂ ਅਤੇ ਸੰਕੇਤਕ ਚਿੰਨ੍ਹਾਂ ਨੂੰ ਬੜੇ ਸਾਵਧਾਨੀ ਨਾਲ ਫੋਲੋ ਕਰਨਾ ਚਾਹੀਦਾ ਹੈ।
