14.01°C Vancouver
Ads

Oct 17, 2024 8:05 PM - The Canadian Press

ਬੀ.ਸੀ. ਟਰੇਨ ਹਾਦਸੇ ਤੋਂ ਬਾਅਦ ਕੈਨੇਡੀਅਨ ਪੈਸੀਫਿਕ ਰੇਲਵੇ ਵਲੋਂ ਸੁਰੱਖਿਆ ਤਬਦੀਲੀਆਂ ਲਾਗੂ

Share On
cp-railway-adjusts-safety-measures-following-b-c-train-crash-safety-board
It says that while the man was repairing the track, an eastbound freight train crashed into the unoccupied vehicle, but no one was hurt.(Photo: The Canadian Press)

ਕੈਸ਼ ਕ੍ਰੀਕ, ਬੀ.ਸੀ. ਵਿਚ ਹੋਏ ਟਰੇਨ ਹਾਦਸੇ ਤੋਂ ਬਾਅਦ ਕੈਨੇਡੀਅਨ ਪੈਸੀਫਿਕ ਰੇਲਵੇ ਵਲੋਂ ਸੁਰੱਖਿਆ ਤਬਦੀਲੀਆਂ ਲਾਗੂ ਕੀਤੀਆਂ ਹਨ। ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਦਾ ਕਹਿਣਾ ਹੈ ਕਿ ਕੈਨੇਡੀਅਨ ਪੈਸੀਫਿਕ ਰੇਲਵੇ ਸੁਪਰਵਾਈਜ਼ਰ ਦੀ ਗਲਤੀ ਕਾਰਨ ਬੀ.ਸੀ. ਦੇ ਕੈਸ਼ ਕ੍ਰੀਕ ਵਿਚ ਇਕ ਮਾਲ ਗੱਡੀ ਅਤੇ ਰੇਲਵੇ ਵਰਕ ਵਾਹਨ ਵਿਚਾਲੇ ਹਾਦਸਾ ਹੋ ਗਿਆ ਸੀ।

ਬੋਰਡ ਦੀ ਰਿਪੋਰਟ ਮੁਤਾਬਿਕ ਸੁਪਰਵਾਈਜ਼ਰ 29 ਦਸੰਬਰ, 2022 ਨੂੰ ਇਕ ਵਾਹਨ ਵਿਚ ਮੁੱਖ ਪਟੜੀਆਂ ਦਾ ਨਿਰੀਖਣ ਕਰ ਰਿਹਾ ਸੀ ਜੋ ਸੜਕਾਂ ਅਤੇ ਰੇਲ ਦੋਵਾਂ ’ਤੇ ਚੱਲ ਸਕਦਾ ਹੈ। ਉਦੋਂ ਉਸ ਨੇ ਇਕ ਨੁਕਸ ਦੇਖਿਆ ਜਿਸ ਦੀ ਮੁਰੰਮਤ ਨੂੰ ਜ਼ਰੂਰਤ ਸੀ। ਰਿਪੋਰਟ ਅਨੁਸਾਰ ਜਦੋਂ ਇਹ ਵਿਅਕਤੀ ਟਰੈਕ ਦੀ ਮੁਰੰਮਤ ਕਰ ਰਿਹਾ ਸੀ ਤਾਂ ਪੂਰਬ ਵੱਲ ਜਾ ਰਹੀ ਇਕ ਮਾਲ ਗੱਡੀ ਖਾਲੀ ਵਾਹਨ ਨਾਲ ਟਕਰਾ ਗਈ ਪਰ ਖੁਸ਼ਕਿਸਮਤੀ ਨਾਲ ਇਸ ਹਾਦਸੇ ਵਿਚ ਕੋਈ ਜ਼ਖਮੀ ਨਹੀਂ ਹੋਇਆ।

ਬੋਰਡ ਮੁਤਾਬਿਕ ਜਾਂਚ ਵਿਚ ਪਾਇਆ ਗਿਆ ਕਿ ਜਦੋਂ ਸੁਪਰਵਾਈਜ਼ਰ ਨੇ ਸਮੱਸਿਆ ਨੂੰ ਦੇਖਿਆ ਤਾਂ ਉਸ ਨੇ ਉਸ ਵਿਅਕਤੀ ਨੂੰ ਪਟੜੀਆਂ ’ਤੇ ਰਹਿਣ ਦੀ ਇਜਾਜ਼ਤ ਦੇਣ ਲਈ ਦੂਜਾ ਪਰਮਿਟ ਮੰਗਿਆ ਪਰ ਉਸ ਨੇ ਗਲਤ ਇਜਾਜ਼ਤ ਰੱਦ ਕਰ ਦਿੱਤੀ, ਜਿਸ ਨਾਲ ਉਹ ਜਿਸ ਟਰੈਕ ’ਤੇ ਕੰਮ ਕਰ ਰਿਹਾ ਸੀ, ਉਸ ਨੂੰ ਅਸੁਰੱਖਿਅਤ ਛੱਡ ਦਿੱਤਾ ਗਿਆ।

ਜ਼ਿਕਰਯੋਗ ਹੈ ਕਿ ਹੁਣ ਰੇਲਵੇ ਨੇ ਕਈ ਸੁਰੱਖਿਆ ਤਬਦੀਲੀਆਂ ਲਾਗੂ ਕੀਤੀਆਂ ਹਨ, ਜਿਸ ਵਿੱਚ ਅਜਿਹੇ ਪਰਮਿਟਾਂ ਲਈ ਆਪਣੀ ਇਲੈਕਟ੍ਰਾਨਿਕ ਐਪਲੀਕੇਸ਼ਨ ਨੂੰ ਵਧਾਉਣਾ ਵੀ ਸ਼ਾਮਲ ਹੈ।

Latest news

No records found.
ADS
Ads

Related News

No records found.
ADS
Ads