10.46°C Vancouver 10.46°C Vancouver
Feb 4, 2025 5:47 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਦੀ ਵਾਈਲਡਫਾਇਰ ਸਰਵਿਸ ਦੇ 30 ਤੋਂ ਵੱਧ ਫਾਇਰਫਾਈਟਰ ਕੈਲੀਫੋਰਨੀਆ ਤੋਂ ਘਰ ਵਾਪਸ ਆ ਗਏ ਹਨ। ਇਹ ਫਾਇਰਫਾਈਟਰਜ਼ ਪਿਛਲੇ ਮਹੀਨੇ ਲਾਸ ਏਂਜਲਸ ਦੀ ਜੰਗਲੀ ਅੱਗ ਨੂੰ ਕੰਟਰੋਲ ਕਰਨ ਵਿਚ ਮਦਦ ਕਰਨ ਲਈ ਭੇਜੇ ਗਏ ਸਨ। ਇਸ ਅੱਗ ਨੇ ਹਜ਼ਾਰਾਂ ਘਰਾਂ ਨੂੰ ਤਬਾਹ ਕੀਤਾ ਹੈ ਅਤੇ ਕਈ ਨਾਮਵਰ ਹਸਤੀਆਂ ਦੇ ਵੀ ਘਰ ਇਸ ਅੱਗ ਦੀ ਲਪੇਟ ਵਿਚ ਰਾਖ਼ ਹੋ ਗਏ ਸਨ।
ਬੀ. ਸੀ. ਦੇ ਜੰਗਲਾਤ ਮੰਤਰਾਲਾ ਮੁਤਾਬਕ, 13 ਤਕਨੀਕੀ ਮਾਹਰਾਂ ਦੀ ਪਹਿਲੀ ਟੀਮ 11 ਜਨਵਰੀ ਨੂੰ ਲਾਸ ਏਂਜਲਸ ਵਿਚ ਪੈਲੀਸੇਡਸ ਜੰਗਲ ਦੀ ਅੱਗ ਨੂੰ ਕਾਬੂ ਕਰਨ ਦੇ ਯਤਨਾਂ ਵਿਚ ਮਦਦ ਲਈ ਭੇਜੀ ਗਈ ਸੀ, ਦੂਜੀ 22 ਫਰੰਟ-ਲਾਈਨ ਫਾਇਰਫਾਈਟਰ ਦੀ ਟੀਮ 16 ਜਨਵਰੀ ਨੂੰ ਭੇਜੀ ਗਈ ਸੀ, ਜਿਸ ਨੇ ਲਾਸ ਏਂਜਲਸ ਦੇ ਈਸਟ ਅਤੇ ਨੌਰਥ ਵਿਚ ਈਟਨ ਅਤੇ ਹਿਊਜ ਜੰਗਲ ਦੀ ਅੱਗ ਨੂੰ ਬੁਝਾਉਣ ਦੀਆਂ ਗਤੀਵਧੀਆਂ ਵਿਚ ਕੰਮ ਕੀਤਾ।
ਬੀ.ਸੀ. ਦੇ ਜੰਗਲਾਤ ਮੰਤਰਾਲੇ ਦਾ ਕਹਿਣਾ ਹੈ ਕਿ ਲਾਸ ਏਂਜਲਸ ਵਿਚ ਤਾਇਨਾਤੀ ਦੌਰਾਨ ਕਰਮਚਾਰੀਆਂ ਨੂੰ ਕੀਮਤੀ ਤਜਰਬਾ ਹਾਸਲ ਹੋਇਆ ਹੈ, ਜਿਸ ਵਿਚ ਪਾਣੀ ਦੀ ਉਪਲਬਧਤਾ ਤੋਂ ਬਿਨਾਂ ਅੱਗ-ਬਚਾਉਣ ਦੀਆਂ ਤਕਨੀਕਾਂ ਦਾ ਪ੍ਰਯੋਗ ਅਤੇ ਸਿਖਲਾਈ ਸ਼ਾਮਲ ਹੈ।
