10.05°C Vancouver 10.05°C Vancouver
Feb 18, 2025 5:32 PM - The Canadian Press
ਬੀ. ਸੀ. ਦੇ 100 ਤੋਂ ਵੱਧ ਲਾਈਫਲੈਬ ਸੈਂਟਰ ਵਿਚੋਂ ਕੁਝ ’ਤੇ ਟੈਸਟ ਕਰਵਾਉਣਾ ਇਸ ਹਫ਼ਤੇ ਮੁਸ਼ਕਲ ਹੋ ਸਕਦਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਯੂਨੀਅਨ ਵਰਕਰਾਂ ਵਲੋਂ ਕੀਤੀ ਗਈ ਹੜਤਾਲ ਕਾਰਨ ਵੀਰਵਾਰ ਤੋਂ ਉਸ ਦੇ ਕੁਝ ਕੇਂਦਰ-ਅਸਥਾਈ ਤੌਰ ’ਤੇ ਬੰਦ ਰਹਿ ਸਕਦੇ ਹਨ।
ਬੀ.ਸੀ. ਜਨਰਲ ਇੰਪਲਾਈਜ਼ ਯੂਨੀਅਨ ਦੇ 1200 ਮੈਂਬਰਾਂ ਨੇ ਮਹੀਨਿਆਂ ਦੀ ਗੱਲਬਾਤ ਮਗਰੋਂ ਕੰਪਨੀ ਵਲੋਂ ਮਹਿੰਗਾਈ ਅਨੁਸਾਰ ਤਨਖਾਹਾਂ ਵਧਾਉਣ ਤੋਂ ਇਨਕਾਰ ਕਰਨ ਤੋਂ ਬਾਅਦ ਹੜਤਾਲ ਸ਼ੁਰੂ ਕੀਤੀ ਹੈ।
ਯੂਨੀਅਨ ਦੇ ਪ੍ਰਧਾਨ ਪਾਲ ਫਿੰਚ ਨੇ ਕਿਹਾ ਕਿ ਕਿ ਯੂਨੀਅਨ ਇੱਕ ਨਿਰਪੱਖ ਡੀਲ ਪ੍ਰਾਪਤ ਕਰਨ ਲਈ ਜੋ ਵੀ ਜ਼ਰੂਰੀ ਹੋਇਆ ਉਹ ਕਰੇਗੀ ਪਰ ਉਸ ਨੂੰ ਆਉਣ ਵਾਲੇ ਹਫ਼ਤਿਆਂ ਵਿਚ ਸਮਝੌਤਾ ਹੋ ਜਾਣ ਦੀ ਉਮੀਦ ਹੈ। ਉਥੇ ਹੀ, ਲਾਈਫਲੈਬ ਨੇ ਕਿਹਾ ਕਿ ਉਹ ਜ਼ਰੂਰੀ ਸੇਵਾਵਾਂ ਲਈ ਕੰਮ ਚੱਲਦਾ ਰੱਖਣ ਦੀ ਪੂਰੀ ਕੋਸ਼ਿਸ਼ ਕਰ ਰਹੀ ਹੈ ਅਤੇ ਵਾਰੋ-ਵਾਰੀ ਸੈਂਟਰਸ ਬੰਦ ਹੋਣ ਨਾਲ ਲੋਕਾਂ ਨੂੰ ਹੋਣ ਵਾਲੀ ਪ੍ਰੇਸ਼ਾਨੀ ਨੂੰ ਘੱਟ ਕਰਨ ਦਾ ਵੀ ਪੂਰਾ ਯਤਨ ਕਰੇਗੀ।
