10.55°C Vancouver 10.55°C Vancouver
Jan 8, 2025 6:29 PM - The Canadian Press
ਬੀ.ਸੀ. ਦੇ ਰੋਗ ਨਿਯੰਤਰਣ ਕੇਂਦਰ ਨੇ ਅਮਰੀਕਾ ਦੇ ਲੁਈਸਿਆਨਾ ਵਿਚ ਇੱਕ ਵਿਅਕਤੀ ਦੀ ਇਸੇ ਹਫ਼ਤੇ ਦੇ ਸ਼ੁਰੂ ਵਿਚ ਬਰਡ ਫਲੂ ਨਾਲ ਮੌਤ ਹੋਣ ਮਗਰੋਂ ਬੀ. ਸੀ. ਵਿਚ 13 ਸਾਲਾ ਲੜਕੀ ਵਿਚ ਪਾਏ ਗਏ ਇਸ ਸੰਕਰਮਣ ਦੇ ਜੈਨੇਟਿਕ ਵਿਸ਼ੇਸ਼ਤਾਵਾਂ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
BCCDC ਪਬਲਿਕ ਹੈਲਥ ਲੈਬਾਰਟਰੀ ਵਿਚ ਵਾਇਰੋਲੋਜੀ ਲੈਬ ਦੇ ਡਾ. ਅਗਾਥਾ ਜੱਸਮ ਨੇ ਕਿਹਾ ਕਿ ਦੋਵੇਂ ਮਾਮਲਿਆਂ ਵਿਚ ਵਾਇਰਸ ਦੇ ਜੈਨੇਟਿਕ ਵਿਸ਼ੇਸ਼ਤਾਵਾਂ ਦੀ ਤੁਲਨਾ ਕੀਤੀ ਜਾ ਰਹੀ ਹੈ, ਨਾਲ ਹੀ ਇਸ ਨੂੰ ਮੁਰਗੀਆਂ ਵਿਚ ਫੈਲ ਰਹੇ ਵਾਇਰਸ ਨਾਲ ਵੀ ਤੁਲਨਾ ਕੇ ਦੇਖਿਆ ਜਾਵੇਗਾ। ਇਸ ਨਾਲ ਇਹ ਪਤਾ ਲਗਾਉਣ ਵਿਚ ਵੀ ਮਦਦ ਮਿਲੇਗੀ ਕਿ ਇਹ ਵਾਇਰਸ ਕਿੰਨੀ ਆਸਾਨੀ ਨਾਲ ਜਾਨਵਰਾਂ ਅਤੇ ਇਨਸਾਨਾਂ ਵਿਚਕਾਰ ਫੈਲਦਾ ਹੈ।
ਲੁਈਸਿਆਨਾ ਦੇ ਮਰੀਜ਼ ਦੀ ਸੋਮਵਾਰ ਨੂੰ ਹਸਪਤਾਲ ਵਿਚ ਮੌਤ ਹੋਈ ਸੀ, ਇਹ ਅਮਰੀਕਾ ਵਿਚ H5N1 ਨਾਲ ਹੋਈ ਪਹਿਲੀ ਮੌਤ ਹੈ। ਮਰੀਜ਼ 65 ਸਾਲ ਤੋਂ ਵੱਧ ਉਮਰ ਦਾ ਸੀ। ਉੱਥੇ ਹੀ, ਵੈਨਕੂਵਰ ਦੇ ਹਸਪਤਾਲ ਵਿਚ ਬਰਡ ਫਲੂ ਕਾਰਨ 13 ਸਾਲਾ ਲੜਕੀ ਪਿਛਲੇ ਹਫ਼ਤੇ ਤੱਕ ਦਾਖ਼ਲ ਸੀ, ਜਿਸ ਬਾਰੇ ਤਾਜ਼ਾ ਅਪਡੇਟ ਨਹੀਂ ਹੈ ਪਰ ਅਧਿਕਾਰੀਆਂ ਨੇ ਦੱਸਿਆ ਸੀ ਕਿ ਉਹ ਹੁਣ ਆਈ.ਸੀ.ਯੂ. ਵਿਚ ਨਹੀਂ ਹੈ।
