ਪੁਲਿਸ ਗੋਲੀਬਾਰੀ ਵਿਚ ਗੈਂਗਸਟਰ ਨਾਲ ਮਾਰੇ ਗਏ ਨੌਜਵਾਨ ਰਾਹਗੀਰ ਦਾ ਮਾਮਲਾ ਮਿਸਟ੍ਰਾਇਲ ਘੋਸ਼ਿਤ

ਵੈਨਕੂਵਰ ਵਿਚ 6 ਸਾਲ ਪਹਿਲਾਂ ਪੁਲਿਸ ਦੀ ਗੋਲੀ ਨਾਲ ਮਾਰੇ ਗਏ ਇਕ 15 ਸਾਲਾ ਨੌਜਵਾਨ ਦੇ ਮਾਮਲੇ ਵਿਚ ਅਦਾਲਤ ਨੇ ਮੁੱਕਦਮੇ ਨੂੰ ਮਿਸਟ੍ਰਾਇਲ ਘੋਸ਼ਿਤ ਕਰ ਦਿੱਤਾ ਹੈ। ਇਸ ਮਾਮਲੇ ਵਿਚ 2 ਸਾਲ ਪਹਿਲਾਂ 26 ਸਾਲ ਦੇ ਕੇਨ ਕਾਰਟਰ ਨੂੰ ਦੋਹਰੇ ਕਤਲ ਦੇ ਮਾਮਲੇ ਵਿਚ ਓਨਟਾਰੀਓ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ ਜਿਸ ’ਤੇ ਇਕ ਗੈਂਗ ਮੈਂਬਰ ਅਤੇ ਇਕ ਬੇਕਸੂਰ ਨੌਜਵਾਨ ਦੀ ਹੱਤਿਆ ਕਰਨ ਦਾ ਦੋਸ਼ ਸੀ ਜੋ ਆਪਣੇ ਮਾਪਿਆਂ ਦੀ ਗੱਡੀ ਵਿਚ ਜਾ ਰਿਹਾ ਸੀ।

ਉਸ ’ਤੇ ਜਨਵਰੀ 2018 ਵਿਚਵੈਨਕੂਵਰ ਦੇ ਵਿਅਸਤ ਬ੍ਰੌਡਵੇ ਐਵੇਨਿਊ ’ਤੇ ਗੋਲੀਬਾਰੀ ਵਿਚ ਮਾਰੇ ਗਏ 15 ਸਾਲਾ ਐਲਫਰੇਡ ਵੋਂਗ ਅਤੇ 23 ਸਾਲਾ ਕੇਵਿਨ ਵਾਈਟਸਾਈਡ ਦੇ ਦੂਜੇ ਦਰਜੇ ਦੇ ਕਤਲ ਦਾ ਦੋਸ਼ ਲਗਾਇਆ ਗਿਆ ਸੀ। ਕਰਾਊਨ ਨੇ ਜਿਊਰੀ ਨੂੰ ਦੱਸਿਆ ਕਿ ਕਾਰਟਰ ਨੇੜਲੇ ਰੈਸਟੋਰੈਂਟ ਵਿਚ ਗਿਰੋਹ ਦੇ ਇਕ ਸਹਿਯੋਗੀ ਦੀ ਰੱਖਿਆ ਕਰ ਰਿਹਾ ਸੀ ਜਦੋਂ ਉਸ ਨੇ ਗੋਲੀਬਾਰੀ ਸ਼ੁਰੂ ਕੀਤੀ, ਜਿਸ ਵਿਚ ਵਾਈਟਸਾਈਡ ਅਤੇ ਵੋਂਗ ਦੋਵੇਂ ਮਾਰੇ ਗਏ।

ਕਾਰਟਰ ਦੇ ਬਚਾਅ ਪੱਖ ਦੇ ਵਕੀਲ ਰਿਚਰਡ ਫਾਉਲਰ ਨੇ ਜੱਜਾਂ ਨੂੰ ਦੱਸਿਆ ਕਿ ਉਸ ਦਿਨ ਜੋ ਕੁਝ ਹੋਇਆ, ਉਸ ਬਾਰੇ ਕ੍ਰਾਊਨ ਦੀ ਥਿਊਰੀ ਵਿਚ ਸਮੇਂ ਵਿਚ ਮਹੱਤਵਪੂਰਣ ਅੰਤਰ ਸੀ। ਜ਼ਿਕਰਯੋਗ ਹੈ ਕਿ ਜਿਊਰੀ ਮੈਂਬਰ ਸਰਬਸੰਮਤੀ ਨਾਲ ਕਿਸੇ ਫੈਸਲੇ ’ਤੇ ਨਹੀਂ ਪਹੁੰਚ ਸਕੇ ਅਤੇ ਹੁਣ ਵਕੀਲਾਂ ਨੂੰ ਇਹ ਫੈਸਲਾ ਕਰਨਾ ਚਾਹੀਦਾ ਹੈ ਕਿ ਕਾਰਟਰ ’ਤੇ ਦੂਜੀ ਵਾਰ ਮੁਕੱਦਮਾ ਚਲਾਇਆ ਜਾਵੇ ਜਾਂ ਨਹੀਂ।