9.9°C Vancouver 9.9°C Vancouver
Oct 15, 2024 3:51 PM - The Canadian Press
ਬੀ.ਸੀ. ਕੰਜ਼ਰਵੇਟਿਵ ਵਲੋਂ ਸਰੀ ਵਿਚ ਬੱਚਿਆਂ ਦਾ ਨਵਾਂ ਹਸਪਤਾਲ ਬਣਾਉਣ ਦਾ ਵਾਅਦਾ ਕੀਤਾ ਗਿਆ ਹੈ। ਕੰਜ਼ਰਵੇਟਿਵ ਲੀਡਰ ਜੌਨ ਰੁਸਟੈਡ ਨੇ ਕੱਲ੍ਹ ਇਹ ਐਲਾਨ ਕਰਦਿਆਂ ਕਿਹਾ ਕਿ ਜੇ ਉਹ ਆਗਾਮੀ ਚੋਣਾਂ ਜਿੱਤਦੇ ਹਨ ਤਾਂ ਉਨ੍ਹਾਂ ਦੀ ਪਾਰਟੀ ਦੀ ਅਗਵਾਈ ਵਾਲੀ ਸਰਕਾਰ ਸਰੀ ਵਿਚ ਬੱਚਿਆਂ ਦਾ ਨਵਾਂ ਹਸਪਤਾਲ ਬਣਾਏਗੀ।
ਰੁਸਟੈਡ ਦਾ ਕਹਿਣਾ ਹੈ ਕਿ ਤੇਜ਼ੀ ਨਾਲ ਵਧ ਰਹੇ ਸ਼ਹਿਰ ਨੂੰ ਵਧੇਰੇ ਸਿਹਤ ਸੇਵਾਵਾਂ ਦੀ ਬਹੁਤ ਜ਼ਰੂਰਤ ਹੈ ਅਤੇ ਇਹ ਨਵੀਂ ਸੁਵਿਧਾ ਬੇਕਰਵਿਊ ਸਕਾਈ ਟਰੇਨ ਸਟੇਸ਼ਨ ਨੇੜੇ 164 ਸਟ੍ਰੀਟ ਅਤੇ ਫਰੇਜ਼ਰ ਹਾਈਵੇ ’ਤੇ ਸਥਿਤ ਹੋਵੇਗੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਨਵੀਂ ਸਹੂਲਤ ਵਿੱਚ ਔਰਤਾਂ ਲਈ ਇੱਕ ਬਾਲ ਰੋਗ ਸੰਕਟਕਾਲੀਨ ਕਮਰਾ ਅਤੇ ਜਣੇਪਾ ਸੇਵਾਵਾਂ ਹੋਣਗੀਆਂ ਕਿਉਂਕਿ ਸ਼ਹਿਰ ਦੀ ਆਬਾਦੀ ਵਧ ਰਹੀ ਹੈ ਅਤੇ ਹਸਪਤਾਲ ਦੀ ਵਧੇਰੇ ਸਮਰੱਥਾ ਲੰਬੇ ਸਮੇਂ ਤੋਂ ਉਡੀਕੀ ਜਾ ਰਹੀ ਹੈ।
ਹਾਲਾਂਕਿ ਰੁਸਟੈਡ ਵਲੋਂ ਇਸ ਹਸਪਤਾਲ ਦੀ ਕੁੱਲ ਲਾਗਤ ਅਤੇ ਟਾਈਮਲਾਈਨ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਦੂਜੇ ਪਾਸੇ ਬੀ.ਸੀ. ਐੱਨ.ਡੀ.ਪੀ. ਦਾ ਕਹਿਣਾ ਹੈ ਕਿ ਬੱਚਿਆਂ ਦੇ ਨਵੇਂ ਹਸਪਤਾਲ ਬਾਰੇ ਕੰਜ਼ਰਵੇਟਿਵ ਦਾ ਐਲਾਨ ਪਾਰਟੀ ਦੇ ਉਮੀਦਵਾਰਾਂ ਨਾਲ ਜੁੜੇ ਵਿਵਾਦ ਤੋਂ ਵੋਟਰਾਂ ਦਾ ਧਿਆਨ ਭਟਕਾਉਣ ਲਈ ਜਲਦਬਾਜ਼ੀ ਵਿੱਚ ਕੀਤਾ ਗਿਆ ਹੈ।
