11.42°C Vancouver 11.42°C Vancouver
Sep 16, 2024 7:54 PM - The Canadian Press
ਬੀ.ਸੀ. ਸਰਕਾਰ ਨੇ ਵਾਈਲਡਫਾਇਰ ਕਰਮਚਾਰੀਆਂ ਨੂੰ ਜਲਦੀ ਅਤੇ ਵਧੀਆਂ ਹੋਈਆਂ ਪੈਨਸ਼ਨਾਂ ਦੇਣ ਲਈ ਆਪਣੀ ਵਚਨਬੱਧਤਾ ਪ੍ਰਗਟਾਈ ਹੈ। ਬੀ.ਸੀ. ਦੇ ਪ੍ਰੀਮੀਅਰ ਡੇਵਿਡ ਈ.ਬੀ. ਨੇ ਐਲਾਨ ਕੀਤਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਵਾਈਲਡਲੈਂਡ ਫਾਇਰਫਾਈਟਰਜ਼ ਲਈ ਪਹਿਲਾਂ ਅਤੇ ਵਧੀ ਹੋਈ ਪੈਨਸ਼ਨ ਲਈ ਵਚਨਬੱਧ ਹੈ।
ਈ.ਬੀ. ਨੇ ਇਕ ਬਿਆਨ ਵਿਚ ਕਿਹਾ ਕਿ ਸੂਬੇ ਅਤੇ ਬੀਸੀ ਜਨਰਲ ਇੰਪਲਾਈਜ਼ ਯੂਨੀਅਨ ਨੇ ਬੀ.ਸੀ. ਵਾਈਲਡਫਾਇਰ ਸਰਲਿਸ ਵਲੋਂ ਸਿੱਧੇ ਤੌਰ ’ਤੇ ਨਿਯੁਕਤ ਫਾਇਰਫਾਈਟਰਜ਼ ਕਰਮਚਾਰੀਆਂ ਲਈ ਪੈਨਸ਼ਨ ਵਧਾਉਣ ਲਈ ਸਿਧਾਂਤਕ ਤੌਰ ’ਤੇ ਸਮਝੌਤਾ ਕੀਤਾ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਇਸ ਤਬਦੀਲੀ ਨਾਲ ਵਾਈਲਡਲੈਂਡ ਫਾਇਰਫਾਈਟਰਜ਼ ਨੂੰ ਐਂਬੂਲੈਂਸ ਪੈਰਾਮੈਡਿਕਸ ਅਤੇ ਸੁਧਾਰ ਕਰਨ ਵਾਲੇ ਕਰਮਚਾਰੀਆਂ ਵਰਗੇ ਹੋਰ ਜਨਤਕ ਸੁਰੱਖਿਆ ਕੈਰੀਅਰਾਂ ਵਾਂਗ ਸਹੂਲਤਾਂ ਮਿਲਣਗੀਆਂ।
ਜ਼ਿਕਰਯੋਗ ਹੈ ਕਿ ਸੂਬੇ ਅਤੇ ਯੂਨੀਅਨ ਵਲੋਂ 2026 ਵਿਚ ਲਾਗੂ ਹੋਣ ਵਾਲੀਆਂ ਤਬਦੀਲੀਆਂ ਦੇ ਨਾਲ ਅਗਲੇ ਸਾਲ ਦੇ ਸ਼ੁਰੂ ਵਿਚ ਸਮਝੌਤੇ ਨੂੰ ਅੰਤਿਮ ਰੂਪ ਦੇਣ ਦਾ ਟੀਚਾ ਰੱਖਿਆ ਗਿਆ ਹੈ। ਯੂਨੀਅਨ ਦੇ ਪ੍ਰਧਾਨ ਪਾਲ ਫਿੰਚ ਦਾ ਕਹਿਣਾ ਹੈ ਕਿ ਵਾਈਲਡਫਾਇਰ ਫਾਇਰਫਾਈਟਰਜ਼ ਬਹੁਤ ਜੋਖਮ ਲੈਂਦੇ ਹਨ ਅਤੇ ਉਚਿਤ ਮੁਆਵਜ਼ੇ ਦੇ ਹੱਕਦਾਰ ਹਨ ਅਤੇ ਉਨ੍ਹਾਂ ਲਈ ਪੈਨਸ਼ਨ ਦਾ ਐਲਾਨ ਇਕ ਵੱਡੀ ਜਿੱਤ ਹੈ।
