11.13°C Vancouver 11.13°C Vancouver
Sep 21, 2023 9:03 PM - CONNECT NEWS
Alberta ਸਰਕਾਰ ਨੇ ਸੂਬੇ ਦੇ ਪੈਨਸ਼ਨ ਪਲੈਨ 'ਤੇ ਅੱਗੇ ਵਧਦੇ ਹੋਏ ਵੀਰਵਾਰ ਨੂੰ ਇਸ ਸਬੰਧੀ ਰਿਪੋਰਟ ਜਾਰੀ ਕਰ ਦਿੱਤੀ ਹੈ।
ਸਰਕਾਰ ਨੇ ਕਿਹਾ ਕਿ ਉਹ ਇਸ ਫਾਲ ਵਿਚ ਕੈਨੇਡਾ ਪੈਨਸ਼ਨ ਪਲੈਨ ਤੋਂ ਨਿਕਲਣ ਲਈ ਕਾਨੂੰਨ ਪੇਸ਼ ਕਰੇਗੀ ਪਰ ਸੂਬੇ ਦੇ ਪੈਨਸ਼ਨ ਪਲੈਨ 'ਤੇ ਅੱਗੇ ਵਧਣ ਤੋਂ ਪਹਿਲਾਂ ਰਾਇਸ਼ੁਮਾਰੀ ਕਰਕੇ ਲੋਕਾਂ ਤੋਂ ਮਨਜ਼ੂਰੀ ਲਈ ਜਾਵੇਗੀ।
ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਕਿਹਾ ਕਿ "ਇਹ ਤੁਹਾਡੀ ਪੈਨਸ਼ਨ ਹੈ, ਇਹ ਤੁਹਾਡੀ ਮਰਜ਼ੀ ਹੈ"
ਉਨ੍ਹਾਂ ਕਿ ਸੂਬੇ ਦੇ ਲੋਕਾਂ ਨੂੰ ਘੱਟ ਯੋਗਦਾਨ 'ਤੇ ਕੈਨੇਡਾ ਪੈਨਸ਼ਨ ਪਲੈਨ ਦੇ ਬਰਾਬਰ ਦਾ ਰਿਟਾਇਰਮੈਂਟ ਲਾਭ ਮਿਲੇਗਾ।
ਰਿਪੋਰਟ ਦਾ ਕਹਿਣਾ ਹੈ ਕਿ ਘੱਟ ਯੋਗਦਾਨ ਕਾਰਨ ਅਲਬਰਟਾ ਦੇ ਕਰਮਚਾਰੀਆਂ ਅਤੇ ਰੁਜ਼ਗਾਰਦਾਤਾਵਾਂ ਨੂੰ ਪਹਿਲੇ ਸਾਲ ਵਿਚ ਹੀ 5 ਬਿਲੀਅਨ ਡਾਲਰ ਦੀ ਬਚਤ ਹੋਵੇਗੀ।
ਸੂਬਾ ਸਰਕਾਰ ਨੇ ਕਿਹਾ ਕਿ ਇਸ ਦੀ ਵਰਤੋਂ ਮਹੀਨਾਵਾਰ ਲਾਭ ਨੂੰ ਵਧਾਉਣ ਜਾਂ ਰਿਟਾਇਰਮੈਂਟ 'ਤੇ 5,000 ਡਾਲਰ ਤੋਂ 10,000 ਡਾਲਰ ਵਿਚਕਾਰ ਬੋਨਸ ਪੇਮੈਂਟ ਦੇਣ ਲਈ ਕੀਤੀ ਜਾ ਸਕਦੀ ਹੈ। ਐਲਬਰਟਾ ਨੈਸ਼ਨਲ ਪੈਨਸ਼ਨ ਪਲੈਨ ਛੱਡਣ ਵਾਲਾ ਪਹਿਲਾ ਸੂਬਾ ਹੋਵੇਗਾ।
