ਐਲਬਰਟਾ ਸਰਕਾਰ ਨੇ ਐਲਬਰਟਾ ਇਨਵੈਸਟਮੈਂਟ ਮੈਨੇਜਮੈਂਟ ਕਾਰਪੋਰੇਸ਼ਨ ਬੋਰਡ ਨੂੰ ਕੀਤਾ ਖ਼ਤਮ

ਐਲਬਰਟਾ ਸਰਕਾਰ ਨੇ ਐਲਬਰਟਾ ਇਨਵੈਸਟਮੈਂਟ ਮੈਨੇਜਮੈਂਟ ਕਾਰਪੋਰੇਸ਼ਨ ਬੋਰਡ ਨੂੰ ਖਤਮ ਕਰ ਦਿੱਤਾ ਹੈ। ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਵਲੋਂ ਬਹੁਤ ਘਟੀਆ ਕੰਮ ਕੀਤਾ ਜਾ ਰਿਹਾ ਸੀ ਅਤੇ ਇਸ ਦਾ ਖਰਚਾ ਬਹੁਤ ਜ਼ਿਆਦਾ ਸੀ। ਇਹ ਇਕ ਕ੍ਰਾਊਨ ਕਾਰਪੋਰੇਸ਼ਨ ਸੀ ਜੋ ਕਿ ਸੂਬੇ ਲਈ ਪੈਨਸ਼ਨ ਅਤੇ ਫੰਡ ਦੇਖਦਾ ਸੀ ਅਤੇ $160 ਬਿਲੀਅਨ ਤੋਂ ਵੱਧ ਦੀ ਸੰਪਤੀ ਦਾ ਪ੍ਰਬੰਧ ਕਰਦਾ ਸੀ। ਬੋਰਡ ਨੂੰ ਉਸੇ ਸਮੇਂ ਖਤਮ ਕਰ ਦਿੱਤਾ ਗਿਆ ਅਤੇ ਵਿੱਤ ਮੰਤਰੀ ਨੈਟ ਹਾਰਨਰ ਹੀ ਇਸ ਦੇ ਇਕੱਲੇ ਡਾਇਰੈਕਟਰ ਅਤੇ ਚੇਅਰ ਪਰਸਨ ਹਨ। ਅਗਲੇ ਇਕ ਮਹੀਨੇ ਦੌਰਾਨ ਨਵੇਂ ਚੇਅਰਮੈਨ ਦੀ ਨਿਯੁਕਤੀ ਕੀਤੀ ਜਾ ਸਕਦੀ ਹੈ।

ਇਸ ਦੇ ਪੈਨਸ਼ਨ ਫੰਡ ਮੈਨੇਜਰ ਅਤੇ ਹੋਰ ਤਿੰਨ ਸੀਨੀਅਰ ਕਾਰਜਕਾਰੀਆਂ ਨੂੰ ਵੀ ਅਹੁਦੇ ਤੋਂ ਹਟਾ ਦਿੱਤਾ ਗਿਆ ਹੈ। ਉਹ 2011 ਤੋਂ ਇਸ ਨਾਲ ਜੁੜੇ ਸਨ।

ਸੂਬੇ ਦੇ ਕਹਿਣਾ ਹੈ ਕਿ 2019 ਤੋਂ 2023 ਦਰਮਿਆਨ AIMCo ਦੀ ਥਰਡ ਪਾਰਟੀ ਮੈਨੇਜਮੈਂਟ ਫੀਸ 96 ਫੀਸਦੀ ਵੱਧ ਗਈ ਸੀ, ਇਸ ਦੇ ਕਰਮਚਾਰੀ ਵਿਚ 29 ਫੀਸਦੀ ਦਾ ਵਾਧਾ ਕੀਤਾ ਗਿਆ ਸੀ ਅਤੇ ਤਨਖਾਹ ਤੇ ਲਾਭ 71 ਫੀਸਦੀ ਵਧਾਏ ਗਏ ਸਨ। AIMCo ਦੀ ਤਾਜ਼ਾ ਸਲਾਨਾ ਰਿਪੋਰਟ ਮੁਤਾਬਕ ਇਸ ਦੇ ਐਡਮਿੰਟਨ, ਕੈਲਗਰੀ, ਟੋਰਾਂਟੋ, ਲਕਸਮਬਰਗ ਅਤੇਲੰਡਨ, ਯੂ.ਕੇ. ਵਿਚ 600 ਕਰਮਚਾਰੀ ਹਨ।