14.58°C Vancouver 14.58°C Vancouver
Dec 22, 2023 4:56 PM - The Canadian Press
ਅਲਬਰਟਾ ਸਰਕਾਰ ਵਲੋਂ ਫੈਮਲੀ ਡਾਕਟਰਾਂ ਦੀ ਮਦਦ ਲਈ $200 ਮਿਲੀਅਨ ਦੇਣ ਦਾ ਵਾਅਦਾ ਕੀਤਾ ਗਿਆ ਹੈ ਜਦਕਿ ਡਾਕਟਰਾਂ ਨਾਲ ਇਕ ਨਵਾਂ ਫਡਿੰਗ ਸਮਝੌਤਾ ਕੀਤਾ ਗਿਆ ਹੈ।
ਅਲਬਰਟਾ ਮੈਲੀਕਲ ਐਸੋਸੀਏਸ਼ਨ ਦੇ ਪ੍ਰਧਾਨ ਡਾ. ਪੌਲ ਪਾਰਕਸ ਦਾ ਕਹਿਣਾ ਹੈ ਕਿ ਇਹ ਪੈਸਾ ਉਨ੍ਹਾਂ ਪ੍ਰੈਕਿਟਸ ਨੂੰ ਜਾਰੀ ਰੱਖਣ ਲਈ ਹੈ। ਪਾਰਕਸ ਅੱਜ ਪ੍ਰੀਮੀਅਰ ਡੈਨੀਅਲ ਸਮਿਥ ਅਤੇ ਸਿਹਤ ਮੰਤਰੀ ਐਡਰੀਆਨਾ ਲਾਗਰੇਂਜ ਨਾਲ ਇਕ ਪ੍ਰੈਸ ਕਾਨਫਰੈਂਸ ਨੂੰ ਸੰਬੋਧਿਤ ਕਰ ਰਹੇ ਸਨ।
ਪਾਰਕਸ ਨੇ ਕਿਹਾ ਕਿ ਐਲਬਰਟਾ ਦਾ ਬਿਲਿੰਗ ਸਿਸਟਮ ਫੈਮਲੀ ਡਾਕਟਰਾਂ ਲਈ ਆਫ਼ਿਸ ਅਤੇ ਪ੍ਰਸ਼ਾਸਨਿਕ ਲਾਗਤ ਨੂੰ ਪੂਰਾ ਨਹੀਂ ਕਰ ਸਕਿਆ। ਮਹਿੰਗਾਈ ਕਾਰਨ ਇਹ ਸਮੱਸਿਆ ਹੋਰ ਵੀ ਗੰਭੀਰ ਹੋ ਗਈ ਹੈ, ਜਿਸ ਕਾਰਨ ਕਈ ਲੋਕ ਇਹ ਫੈਸਲਾ ਕਰਨ ਲਈ ਮਜਬੂਰ ਹਨ ਕਿ ਉਨ੍ਹਾਂ ਨੂੰ ਜਨਰਲ ਪ੍ਰੈਕਟਿਸ ਵਿਚ ਰਹਿਣਾ ਚਾਹੀਦਾ ਹੈ ਜਾਂ ਕਿਸੇ ਸਪੈਸ਼ਲਿਟੀ ਵਿਚ ਜਾਣਾ ਚਾਹੀਦਾ ਹੈ।
ਪਾਰਕਸ ਅਤੇ ਲਾਗਰੇਂਜ ਦਾ ਕਹਿਣਾ ਸੀ ਕਿ ਉਹ ਅਜੇ ਵੀ ਇਸ ਮਾਪਦੰਡ ’ਤੇ ਕੰਮ ਕਰ ਰਹੇ ਹਨ ਕਿ ਅਗਲੇ 2 ਸਾਲਾਂ ਵਿਚ $200 ਮਿਲੀਅਨ ਨੂੰ ਕਿਵੇਂ ਵੰਡਿਆ ਜਾਵੇਗਾ। ਦੂਜੇ ਪਾਸੇ ਮੈਡੀਕਲ ਐਸੋਸੀਏਸ਼ਨ ਅਤੇ ਸਰਕਾਰ ਮੌਜੂਦਾ ਫ਼ੀਸ ਫਾਰ ਸਰਵਿਸ ਮਾਡਲ ਨੂੰ ਬਦਲਣ ਲਈ ਫੰਡਿੰਗ ਸਮਝੌਤੇ ’ਤੇ ਕੰਮ ਕਰ ਰਹੀ ਹੈ।
