ਐਲਬਰਟਾ ਨੇ ਮਿਊਂਸੀਪੈਲਿਟੀਜ਼ ਕੋਲੋਂ ਮੰਗੀ ਟੈਕਸ ਨਾ ਦੇਣ ਵਾਲੀਆਂ ਤੇਲ ਕੰਪਨੀਆਂ ਦੀ ਸੂਚੀ

ਐਲਬਰਟਾ ਸਰਕਾਰ ਨੇ ਪੇਂਡੂ ਨਗਰ ਪਾਲਿਕਾਵਾਂ ਨੂੰ ਪੱਤਰ ਲਿਖ ਕੇ ਉਨ੍ਹਾਂ ਤੇਲ ਅਤੇ ਗੈਸ ਕੰਪਨੀਆਂ ਦਾ ਨਾਂ ਦੱਸਣ ਲਈ ਕਿਹਾ ਹੈ ਜੋ ਕਿ ਪ੍ਰੋਪਰਟੀ ਟੈਕਸ ਦਾ ਭੁਗਤਾਨ ਨਹੀਂ ਕਰ ਰਹੇ। ਨਗਰਪਾਲਿਕਾ ਮਾਮਲੇ ਦੇ ਮੰਤਰੀ ਰਿਕ ਮੈਕਾਈਵਰ ਦਾ ਕਹਿਣਾ ਹੈ ਕਿ ਪੇਂਡੂ ਨਗਰ ਪਾਲਿਕਾਵਾਂ ਨਾਲ ਉਨ੍ਹਾਂ ਨੇ ਗੱਲਬਾਤ ਕੀਤੀ ਹੈ।

ਪੇਂਡੂ ਨਗਰ ਪਾਲਿਕਾਵਾਂ ਦੇ ਮੁਖੀ ਪੌਲ ਮੈਕਲੌਚਲਿਨ ਨੇ ਕਿਹਾ ਕਿ ਕੁਝ ਹੋਰ ਪੇਂਡੂ ਔਫੀਸ਼ੀਅਲਜ਼ ਨੂੰ ਲੱਗਦਾ ਹੈ ਕਿ ਇਸ ਨਾਲ ਕੋਈ ਫਾਇਦਾ ਨਹੀਂ ਹੋਵੇਗਾ। ਸੂਬੇ ਦੀਆਂ ਸਭ ਤੋਂ ਵੱਡੀਆਂ ਪਰੇਸ਼ਾਨੀਆਂ ਵਿਚੋਂ ਇਕ ਬਿਨਾਂ ਭੁਗਤਾਨ ਕੀਤੇ ਟੈਕਸ ਹਨ। ਐਲਬਰਟਾ ਦੀਆਂ ਪੇਂਡੂ ਨਗਰ ਪਾਲਿਕਾਵਾਂ ਅਧੀਨ 69 ਕਾਉਂਟੀਆਂ ਅਤੇ ਮਿਊਂਸੀਪਲ ਜ਼ਿਲ੍ਹੇ ਦੀ ਨੁਮਾਇੰਦਗੀ ਕਰਦੀ ਹੈ।

ਇਸ ਦਾ ਅੰਦਾਜ਼ਾ ਹੈ ਕਿ ਤੇਲ ਅਤੇ ਗੈਸ ਕੰਪਨੀਆਂ ਦਾ ਕਰੀਬ $250 ਮਿਲੀਅਨ ਦਾ ਬਕਾਇਆ ਰਹਿੰਦਾ ਹੈ। ਸੰਗਠਨ ਵਲੋਂ ਇਕ ਸਾਲ ਤੋਂ ਪ੍ਰੀਮੀਅਰ ਡੈਨੀਅਲ ਸਮਿਥ ਦੀ ਸਰਕਾਰ ਨੂੰ ਇਸ ਵਿਚ ਕੁਝ ਛੋਟ ਦੇਣ ਦੀ ਅਪੀਲ ਕੀਤੀ ਜਾ ਰਹੀ ਸੀ। ਸਰਕਾਰ ਨੇ ਸਪੱਸ਼ਟ ਕੀਤਾ ਹੈ ਕਿ ਜਿਨ੍ਹਾਂ ਕੰਪਨੀਆਂ ਨੇ $20,000 ਤੋਂ ਵੱਧ ਦਾ ਪ੍ਰੋਪਰਟੀ ਟੈਕਸ ਨਹੀਂ ਭਰਿਆ, ਉਨ੍ਹਾਂ ਨੂੰ ਨਵਾਂ ਲਾਈਸੈਂਸ ਜਾਰੀ ਨਹੀਂ ਕੀਤਾ ਜਾਵੇਗਾ।