ਪਾਰਕਲੈਂਡ ਕਾਉਂਟੀ ਦੀ ਇਕ ਔਰਤ ਨੂੰ ਜਾਨਵਰਾਂ ਨੂੰ ਬੁਰੀ ਹਾਲਤ ਵਿਚ ਰੱਖਣ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ। ਪਾਰਕਲੈਂਡ ਕਾਊਂਟੀ ਇਨਫੋਰਸਮੈਂਟ ਸਰਵਿਸਿਜ਼ ਨੇ ਸੋਮਵਾਰ 54 ਸਾਲਾ ਪੈਟਰੀਸ਼ੀਆ ਮੂਰ ਨੇ ਫਾਰਮ ਵਿਚ ਛਾਪਾ ਮਾਰਿਆ ਅਤੇ ਦੇਖਿਆ ਕਿ ਉਸ ਨੇ ਕਈ ਘੋੜਿਆਂ ਨੂੰ ਬੁਰੀ ਹਾਲਤ ਵਿਚ ਰੱਖਿਆ ਸੀ।

ਐਲਬਰਟਾ ਵਿਚ ਬੀਤੇ ਦਿਨ ਖਸਰੇ ਦੇ 6 ਹੋਰ ਮਾਮਲੇ ਸਾਹਮਣੇ ਆਉਣ ਨਾਲ ਪੀੜਤਾਂ ਦੀ ਗਿਣਤੀ 83 ਹੋ ਗਈ ਹੈ। ਸੂਬੇ ਦੇ ਸਿਹਤ ਵਿਭਾਗ ਮੁਤਾਬਕ ਨਵੇਂ ਚਾਰ ਮਾਮਲੇ ਸੈਂਟਰਲ ਅਤੇ ਦੋ ਸਾਊਥ ਐਲਬਰਟਾ ਤੋਂ ਆਏ ਸਾਹਮਣੇ ਆਏ ਹਨ। ਇਨ੍ਹਾਂ ਵਿਚੋਂ ਵਧੇਰੇ ਮਰੀਜ਼ 5 ਤੋਂ 17 ਸਾਲ ਦੇ ਹਨ। ਸੂਬੇ ਦੇ ਡਾਟਾ ਮੁਤਾਬਕ 8 ਪੀੜਤ ਹਸਪਤਾਲ ਵਿਚ ਦਾਖ਼ਲ ਹਨ।

ਐਲਬਰਟਾ ਸਰਕਾਰ ਨੇ ਨਸ਼ੇ ਦੇ ਸੰਕਟ 'ਤੇ ਸ਼ਿਕੰਜਾ ਕੱਸਣ ਲਈ ਇਨਵੋਲੈਂਟਰੀ ਡਰੱਗ ਟ੍ਰੀਟਮੈਂਟ ਐਕਟ ਪੇਸ਼ ਕੀਤਾ ਹੈ। ਇਹ ਕੈਨੇਡਾ ਵਿਚ ਆਪਣੀ ਤਰ੍ਹਾਂ ਦਾ ਪਹਿਲਾ ਬਿੱਲ ਹੈ ਜੋ ਮਾਪਿਆਂ, ਪੁਲਿਸ ਅਤੇ ਸਿਹਤ ਕਰਮਚਾਰੀਆਂ ਨੂੰ ਗੰਭੀਰ ਨਸ਼ੇ ਵਾਲੇ ਲੋਕਾਂ ਨੂੰ ਉਨ੍ਹਾਂ ਦੀ ਮਰਜ਼ੀ ਦੇ ਵਿਰੁੱਧ ਦੇਖਭਾਲ ਲਈ ਰੈਫਰ ਕਰਨ ਦੀ ਇਜਾਜ਼ਤ ਦੇਵੇਗਾ।

ਕੈਲਗਰੀ ਜ਼ੋਨ ਤੋਂ ਖਸਰੇ ਦੇ ਨਵੇਂ ਮਾਮਲੇ ਸਾਹਮਣੇ ਆਉਣ ਨਾਲ ਲੋਕਾਂ ਨੂੰ ਅਲਰਟ ਕੀਤਾ ਗਿਆ ਹੈ। ਬੀਤੇ ਦਿਨ 3 ਨਵੇਂ ਮਾਮਲਿਆਂ ਦੀ ਪੁਸ਼ਟੀ ਹੋਣ ਮਗਰੋਂ ਸੂਬੇ ਵਿਚ ਖਸਰਾ ਪੀੜਤਾਂ ਦੀ ਗਿਣਤੀ 77 ਹੋ ਗਈ ਹੈ, ਜਿਨ੍ਹਾਂ ਵਿਚੋਂ 69 ਛੋਟੀ ਉਮਰ ਦੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਇਕ ਪੀੜਤ ਕੈਲਗਰੀ,ਕੈਨਮੋਰ ਅਤੇ ਬੈਨਫ ਵਿਚ ਕਈ ਥਾਵਾਂ 'ਤੇ ਘੁੰਮਦਾ ਰਿਹਾ। ਇਸ ਕਾਰਨ ਲੋਕਾਂ ਨੂੰ ਆਪਣੀ ਸਿਹਤ ਦਾ ਵਧੇਰੇ ਧਿਆਨ ਰੱਖਣ ਦੀ ਅਪੀਲ ਕੀਤੀ ਗਈ ਹੈ।

ਐਲਬਰਟਾ ਵਿਚ ਖਸਰੇ ਦੇ ਮਾਮਲੇ ਦਿਨੋਂ-ਦਿਨ ਵੱਧ ਰਹੇ ਹਨ ਅਤੇ ਇਸ ਦੌਰਾਨ ਹੈਲਥ ਦੇ ਚੀਫ ਮੈਡੀਕਲ ਅਧਿਕਾਰੀ ਡਾ. ਮਾਰਕ ਜੋਫ ਦਾ ਕਾਰਜਕਾਲ ਖਤਮ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਸਿਹਤ ਮੰਤਰੀ ਦੇ ਦਫਤਰ ਨੇ ਜਾਣਕਾਰੀ ਦਿੱਤੀ ਕਿ ਜੋਫ ਦਾ ਇਕਰਾਰਨਾਮਾ ਸੋਮਵਾਰ ਖਤਮ ਹੋ ਗਿਆ ਹੈ ਪਰ ਇਹ ਨਹੀਂ ਦੱਸਿਆ ਗਿਆ ਕਿ ਇਸ ਵਿਚ ਵਾਧਾ ਕਿਉਂ ਨਹੀਂ ਕੀਤਾ ਗਿਆ। ਉਹ ਨਵੰਬਰ 2022 ਤੋਂ ਸਿਹਤ ਦੇ ਅੰਤਰਿਮ ਚੀਫ ਮੈਡੀਕਲ ਅਫਸਰ ਵਜੋਂ ਐਲਬਰਟਨਜ਼ ਦੀ ਸੇਵਾ ਵਿਚ ਰਹੇ।

ਐਡਮਿੰਟਨ ਪੁਲਿਸ ਨੇ ਇਕ ਜਿਨਸੀ ਅਪਰਾਧੀ ਦੀ ਰਿਹਾਈ ਨੂੰ ਲੈ ਕੇ ਲੋਕਾਂ ਨੂੰ ਅਲਰਟ ਕੀਤਾ ਹੈ। ਔਫੀਸਰਜ਼ ਮੁਤਾਬਕ 55 ਸਾਲਾ ਰਾਬਰਟ ਐਡਵਰਡ ਵੈਂਟਰੇਸ ਪਹਿਲਾਂ ਵੀ ਬੱਚਿਆਂ ਨੂੰ ਨਿਸ਼ਾਨਾ ਬਣਾ ਚੁੱਕਾ ਹੈ ਅਤੇ ਉਸ ਦੇ ਮੁੜ ਗੁਨਾਹ ਕਰਨ ਦਾ ਸ਼ੱਕ ਹੈ। ਉਸ ਨੂੰ 2024 ਤੋਂ ਹਿਰਾਸਤ ਵਿਚ ਲਿਆ ਗਿਆ ਸੀ ਅਤੇ ਪ੍ਰੋਬੇਸ਼ਨ ਆਰਡਰ ਦੀ ਪਾਲਣਾ ਨਾ ਕਰਨ ਕਾਰਨ ਆਪਣੀ ਸਜ਼ਾ ਕੱਟ ਚੁੱਕਾ ਹੈ।

ਐਲਬਰਟਾ ਦੀ ਪ੍ਰੀਮੀਅਰ ਨੇ ਸਪੱਸ਼ਟੀਕਰਣ ਦਿੱਤਾ ਹੈ ਕਿ ਐਲਬਰਟਾ ਹੈਲਥ ਸਰਵਿਸਸ ਦੀ ਸਾਬਕਾ ਮੁਖੀ ਅਥਾਨਾ ਮੈਂਟਜ਼ੇਲੋਪੋਲੋਸ ਦੇ ਮਾਮਲੇ ਦੀ ਜਾਂਚ ਵਕੀਲਾਂ ਹੱਥ ਦੇਣ ਨਾਲ ਕੋਈ ਰੁਕਾਵਟ ਨਹੀਂ ਪਾਈ ਜਾ ਰਹੀ। ਸੂਬੇ ਦੀ ਵਿਰੋਧੀ ਧਿਰ ਐਨ.ਡੀ.ਪੀ. ਨੇ ਇਸ ਮਾਮਲੇ ਨੂੰ ਵਕੀਲਾਂ ਤੋਂ ਦੂਰ ਰੱਖਣ ਲਈ ਸਰਕਾਰ 'ਤੇ ਜ਼ੋਰ ਪਾਇਆ ਹੈ।

ਐਲਬਰਟਾ ਵਿਚ ਖਸਰੇ ਦੇ ਨਵੇਂ 16 ਮਾਮਲੇ ਆਉਣ ਨਾਲ ਕੁੱਲ ਪੀੜਤਾਂ ਦੀ ਗਿਣਤੀ 74 ਹੋ ਗਈ ਹੈ। ਸਰਕਾਰੀ ਅੰਕੜਿਆਂ ਮੁਤਾਬਕ ਨਵੇਂ ਮਾਮਲੇ ਸੈਂਟਰਲ ਅਤੇ ਦੱਖਣੀ ਜ਼ੋਨ ਤੋਂ ਮਿਲੇ ਹਨ। ਇਨ੍ਹਾਂ ਵਿਚੋਂ ਵਧੇਰੇ ਸਕੂਲ ਜਾਣ ਵਾਲੇ ਬੱਚੇ ਹਨ, ਜਿਨ੍ਹਾਂ ਦੀ ਉਮਰ 5 ਤੋਂ 18 ਵਿਚਕਾਰ ਹੈ।

ਐਲਬਰਟਾ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਨੇ ਸੂਬੇ ਵਿਚ ਸਰਜਰੀਆਂ ਲਈ ਮਰੀਜ਼ਾਂ ਨੂੰ ਲੰਬੀ ਉਡੀਕ ਕਾਰਨ ਹੋ ਰਹੀ ਪਰੇਸ਼ਾਨੀ 'ਤੇ ਚਿੰਤਾ ਜਤਾਉਂਦਿਆਂ ਕਿਹਾ ਕਿ ਉਹ ਜਲਦ ਹੀ ਨਵਾਂ ਫੰਡਿੰਗ ਮਾਡਲ ਲਿਆ ਰਹੇ ਹਨ। ਸਮਿਥ ਨੇ “ਯੋਰ ਪ੍ਰੌਵਿੰਸ, ਯੋਰ ਪ੍ਰੀਮੀਅਰ” ਦੇ ਸ਼ੋਅ ਵਿਚ ਇਕ ਫੋਨ ਕਾਲ ਦੇ ਜਵਾਬ ਵਿਚ ਇਸ ਬਾਰੇ ਗੱਲ ਕੀਤੀ।