11.32°C Vancouver 11.32°C Vancouver
Aug 30, 2024 6:07 PM - Connect Newsroom
ਸ਼ਰਧਾ ਕਪੂਰ ਅਤੇ ਰਾਜਕੁਮਾਰ ਰਾਓ ਸਟਾਰਰ ਫਿਲਮ ‘ਸਤ੍ਰੀ 2’ ਸਾਲ 2024 ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਬਣ ਗਈ ਹੈ। ਇਹ ਫਿਲਮ ਇਸ ਸਮੇਂ ਆਪਣੀ ਚੰਗੀ ਕਹਾਣੀ ਲਈ ਹੀ ਨਹੀਂ ਸਗੋਂ ਅਦਾਕਾਰਾਂ ਦੀ ਸ਼ਾਨਦਾਰ ਅਦਾਕਾਰੀ ਕਾਰਨ ਵੀ ਸੁਰਖੀਆਂ ‘ਚ ਹੈ। ਅਮਰ ਕੌਸ਼ਿਕ ਦੇ ਨਿਰਦੇਸ਼ਨ ‘ਚ ਬਣੀ ਇਸ ਫਿਲਮ ‘ਚ ਮੁੱਖ ਅਦਾਕਾਰ ਤੇ ਅਦਾਕਾਰਾ ਤੋਂ ਇਲਾਵਾ ਸਭ ਤੋਂ ਜ਼ਿਆਦਾ ਚਰਚਾ ‘ਸਰਕਟਾ’ ਦੀ ਹੈ। ‘ਸਰਕਟੇ ਭੂਤ ਦੀ ਦਹਿਸ਼ਤ’ ਫਿਲਮ ‘ਚ ਕਾਫੀ ਨਜ਼ਰ ਆਈ ਸੀ। ਇਸ ਨਕਾਰਾਤਮਕ ਭੂਮਿਕਾ ਨੂੰ ਅਦਾਕਾਰ ਸੁਨੀਲ ਕੁਮਾਰ ਨੇ ਨਿਭਾਇਆ ਹੈ। ਹੁਣ ਇਸ ਫਿਲਮ ਤੋਂ ਬਾਅਦ ਖਬਰ ਹੈ ਕਿ ਉਹ ਸਲਮਾਨ ਖਾਨ ਦੇ ਰਿਐਲਿਟੀ ਸ਼ੋਅ ‘ਬਿੱਗ ਬੌਸ 18’ ਦਾ ਹਿੱਸਾ ਬਣ ਸਕਦੇ ਹਨ।
ਸਲਮਾਨ ਖਾਨ ਇਕ ਵਾਰ ਫਿਰ ‘ਬਿੱਗ ਬੌਸ 18’ ਨਾਲ ਆਉਣ ਵਾਲੇ ਹਨ। ਨਿਰਮਾਤਾ ਇਸ ਦੀ ਤਿਆਰੀ ‘ਚ ਲੱਗੇ ਹੋਏ ਹਨ। ਖ਼ਬਰ ਹੈ ਕਿ ਇਸ ਸਾਲ ਅਕਤੂਬਰ ਤੋਂ ਸ਼ੁਰੂ ਹੋਣ ਵਾਲੇ ਇਸ ਸ਼ੋਅ ‘ਚ ‘ਸਤ੍ਰੀ 2’ ਦੀ ‘ਸਰਕਟੇ ਭੂਤ ਦੀ ਦਹਿਸ਼ਤ’ ਨਜ਼ਰ ਆ ਸਕਦੀ ਹੈ।
ਇਸ ਸੀਜ਼ਨ ਲਈ ਸਭ ਤੋਂ ਪਹਿਲਾਂ ਦੀਪਿਕਾ ਕੱਕੜ ਦੇ ਪਤੀ ਸ਼ੋਏਬ ਇਬਰਾਹਿਮ ਦਾ ਨਾਂ ਸਾਹਮਣੇ ਆਇਆ ਸੀ। ਪਰ ਅਜੇ ਤੱਕ ਕਿਸੇ ਗੱਲ ਦੀ ਪੁਸ਼ਟੀ ਨਹੀਂ ਹੋਈ ਹੈ। ‘ਬਿੱਗ ਬੌਸ 18’ ‘ਚ ਸ਼ੋਏਬ ਤੋਂ ਬਾਅਦ ਹੁਣ ਸੁਨੀਲ ਕੁਮਾਰ ਦਾ ਨਾਂ ਵੀ ਸਾਹਮਣੇ ਆਉਣ ਲੱਗਾ ਹੈ। ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਵਿੱਚ ਸੁਨੀਲ ਉਰਫ਼ ‘ਸਰਕਟਾ’ ਨੇ ਇੱਕ ਰਿਐਲਿਟੀ ਸ਼ੋਅ ਲਈ ਅਪ੍ਰੋਚ ਕੀਤੇ ਜਾਣ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ।
