10.06°C Vancouver 10.06°C Vancouver
Aug 21, 2024 6:50 PM - Connect Newsroom
ਸਲਮਾਨ ਖ਼ਾਨ ਦੀਆਂ ਫਿਲਮਾਂ ਦਾ ਜਾਦੂ ਕਦੇ ਖਤਮ ਨਹੀਂ ਹੁੰਦਾ। 1989 ਦੀ ਬਲਾਕਬਸਟਰ ਫਿਲਮ ’ਮੈਨੇ ਪਿਆਰ ਕੀਆ’ ਇਕ ਵਾਰ ਫਿਰ ਸਿਨੇਮਾਘਰਾਂ ’ਚ ਦਸਤਕ ਦੇਣ ਲਈ ਤਿਆਰ ਹੈ। ਇਸ ਫਿਲਮ ਨੇ ਨਾ ਸਿਰਫ ਸਲਮਾਨ ਖ਼ਾਨ ਨੂੰ ਇੰਡਸਟਰੀ ’ਚ ਲੀਡ ਹੀਰੋ ਵਜੋਂ ਸਥਾਪਿਤ ਕੀਤਾ, ਸਗੋਂ ਹਿੰਦੀ ਸਿਨੇਮਾ ਨੂੰ ਵੀ ਨਵੀਂ ਦਿਸ਼ਾ ਦਿੱਤੀ। ਰਾਜਸ਼੍ਰੀ ਪ੍ਰੋਡਕਸ਼ਨ ਨੇ ਹਾਲ ਹੀ ’ਚ ਆਪਣੇ ਇੰਸਟਾਗ੍ਰਾਮ ’ਤੇ ਐਲਾਨ ਕੀਤਾ ਹੈ ਕਿ ’ਮੈਨੇ ਪਿਆਰ ਕੀਆ’ 23 ਅਗਸਤ 2024 ਨੂੰ ਮੁੜ ਰਿਲੀਜ਼ ਹੋਵੇਗੀ।
ਪ੍ਰੇਮ ਦੇ ਰੋਲ ’ਚ ਸਲਮਾਨ ਖ਼ਾਨ ਤੇ ਸੁਮਨ ਦੇ ਕਿਰਦਾਰ ’ਚ ਭਾਗਯਸ਼੍ਰੀ ਦੀ ਅਦਾਕਾਰੀ ਨੇ ਲੋਕਾਂ ਦਾ ਮਨ ਮੋਹ ਲਿਆ। ਇਹ ਫਿਲਮ ਸਲਮਾਨ ਖ਼ਾਨ ਦੇ ਕਰੀਅਰ ਨੂੰ ਨਵੀਆਂ ਉਚਾਈਆਂ ’ਤੇ ਲਿਜਾਣ ਲਈ ਪਹਿਲਾ ਕਦਮ ਸਾਬਤ ਹੋਈ।
ਇਸ ਦੇ ਨਾਲ ਹੀ ਇਸ ਸਾਲ ਫਿਲਮ ਆਪਣੀ ਰਿਲੀਜ਼ ਦੇ 35 ਸਾਲ ਪੂਰੇ ਕਰੇਗੀ। ਇਸ ਮੌਕੇ ਮੇਕਰਜ਼ ਨੇ ਪ੍ਰਸ਼ੰਸਕਾਂ ਲਈ ਖਾਸ ਐਲਾਨ ਕੀਤਾ ਹੈ। ਲੀਡ ਐਕਟਰ ਦੇ ਤੌਰ ’ਤੇ ਸਲਮਾਨ ਖ਼ਾਨ ਦੀ ਇਹ ਪਹਿਲੀ ਫਿਲਮ ਸੀ। ਸੂਰਜ ਬੜਜਾਤਿਆ ਵੱਲੋਂ ਨਿਰਦੇਸ਼ਤ ਇਸ ਫਿਲਮ ਨੇ 1989 ’ਚ ਨਾ ਸਿਰਫ਼ ਕਰੰਸੀ ਨੋਟ ਛਾਪੇ ਬਲਕਿ 80 ਦੇ ਦਹਾਕੇ ਦੀ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ਵੀ ਸੀ।
