ਸ਼ਾਹਰੁਖ ਖਾਨ ਨੇ ਵਿਦੇਸ਼ਾਂ ’ਚ ਮਚਾਈ ਧਮਾਲ, ਲੋਕਾਰਨੋ ਫ਼ਿਲਮ ਫੈਸਟੀਵਲ ’ਚ ਮਿਲਿਆ ਅਚੀਵਮੈਂਟ ਐਵਾਰਡ

ਸ਼ਾਹਰੁਖ ਖਾਨ ਦਾ ਨਾਂ ਦੇਸ਼ ’ਚ ਹੀ ਨਹੀਂ ਵਿਦੇਸ਼ਾਂ ’ਚ ਵੀ ਮਸ਼ਹੂਰ ਹੈ। ਜਿੰਨਾ ਅਭਿਨੇਤਾ ਦੀ ਭਾਰਤ ਵਿੱਚ ਬਹੁਤ ਵੱਡੀ ਫੈਨ ਫਾਲੋਇੰਗ ਹੈ, ਵਿਦੇਸ਼ਾਂ ਵਿੱਚ ਵੀ ਉਨ੍ਹਾਂ ਦਾ ਓਨਾ ਹੀ ਕ੍ਰੇਜ਼ ਹੈ। ਪਿਛਲੇ ਸ਼ਨੀਵਾਰ, ਸ਼ਾਹਰੁਖ ਖਾਨ ਨੂੰ 77ਵੇਂ ਲੋਕਾਰਨੋ ਫਿਲਮ ਫੈਸਟੀਵਲ ਵਿੱਚ ਲਾਈਫਟਾਈਮ ਅਚੀਵਮੈਂਟ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਅਭਿਨੇਤਾ ਨੂੰ ਸਵਿਟਜ਼ਰਲੈਂਡ ਦੇ ਲੋਕਾਰਨੋ ਵਿੱਚ ਪਲਾਜ਼ਾ ਗ੍ਰਾਂਡੇ ਵਿੱਚ 8,000 ਲੋਕਾਂ ਦੇ ਸਾਹਮਣੇ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ।

ਇਸ ਐਵਾਰਡ ਨੂੰ ਜਿੱਤਣ ਤੋਂ ਬਾਅਦ ਸ਼ਾਹਰੁਖ ਖਾਨ ਕਾਫੀ ਭਾਵੁਕ ਨਜ਼ਰ ਆਏ। ਟਰਾਫੀ ਨੂੰ ਆਪਣੇ ਹੱਥ ਵਿਚ ਚੁੱਕਦਿਆਂ ਉਨ੍ਹਾਂ ਨੇ ਕਿਹਾ ਕਿ ਇਹ ਬਹੁਤ ਭਾਰੀ ਸੀ। ਉਹ ਅੱਗੇ ਕਹਿੰਦਾ ਹੈ, ‘ਮੈਂ ਤੁਹਾਡੇ ਸਾਰਿਆਂ ਦਾ ਧੰਨਵਾਦ ਕਰਨਾ ਚਾਹੁੰਦਾ ਹਾਂ ਕਿ ਤੁਸੀਂ ਇਸ ਬਹੁਤ ਹੀ ਖੂਬਸੂਰਤ, ਬਹੁਤ ਹੀ ਸੱਭਿਆਚਾਰਕ ਅਤੇ ਬੇਹੱਦ ਹੌਟ ਸ਼ਹਿਰ ਲੋਕਾਰਨੋ, ਜਿਸ ਨੇ ਇੰਨੀਆਂ ਖੁੱਲ੍ਹੀਆਂ ਬਾਹਾਂ ਨਾਲ ਮੇਰਾ ਸੁਆਗਤ ਕੀਤਾ ਹੈ। ਉਸ ਤੋਂ ਵੱਧ ਖੁੱਲ੍ਹੇ ਦਿਲ ਨਾਲ ਮੇਰਾ ਸੁਆਗਤ ਕਰਨ ਲਈ ਤੁਹਾਡਾ ਧੰਨਵਾਦ।