‘ਹੇਰਾ ਫੇਰੀ 3’ 2025 ’ਚ ਸ਼ੁਰੂ ਹੋਣ ਦੀ ਉਮੀਦ!

‘ਹੇਰਾ ਫੇਰੀ’ ਫਰੈਂਚਾਇਜ਼ੀ ਦੇ ਪ੍ਰਸ਼ੰਸਕਾਂ ਲਈ ਚੰਗੀ ਖ਼ਬਰ ਹੈ। ਸੁਪਰਹਿੱਟ ਫਰੈਂਚਾਇਜ਼ੀ ਦੀ ਤੀਜੀ ਫਿਲਮ ‘ਹੇਰਾ ਫੇਰੀ’ 3 ਦੇ 2025 ’ਚ ਸ਼ੁਰੂ ਹੋਣ ਦੀ ਉਮੀਦ ਹੈ। ਪਿੰਕਵਿਲਾ ਨਾਲ ਗੱਲਬਾਤ ਦੌਰਾਨ ਅਕਸ਼ੈ ਕੁਮਾਰ ਨੇ ਇਸ ਬਾਰੇ ’ਚ ਗੱਲ ਕੀਤੀ ਅਤੇ ਇਸ ਪ੍ਰਾਜੈਕਟ ਦੇ ਲਈ ਆਪਣੀ ਉਤਸੁਕਤਾ ਜ਼ਾਹਰ ਕੀਤੀ।

ਅਕਸ਼ੈ ਨੇ ਕਿਹਾ ਕਿ, ਮੈਂ ਵੀ ‘ਹੇਰਾ ਫੇਰੀ 3’ ਸ਼ੁਰੂ ਕਰਨ ਦਾ ਇੰਤਜ਼ਾਰ ਕਰ ਰਿਹਾ ਹਾਂ। ਮੈਨੂੰ ਨਹੀਂ ਪਤਾ, ਪਰ ਜੇਕਰ ਸਭ ਕੁਝ ਠੀਕ ਰਿਹਾ ਤਾਂ ਇਹ ਇਸ ਸਾਲ ਸ਼ੁਰੂ ਹੋ ਜਾਵੇਗੀ। ਅਦਾਕਾਰ ਨੇ ਕਿਹਾ ਕਿ ਜਦੋਂ ਅਸੀਂ ਹੇਰਾ ਫੇਰੀ ਸ਼ੁਰੂ ਕੀਤੀ ਸੀ, ਤਾਂ ਸਾਨੂੰ ਨਹੀਂ ਪਤਾ ਸੀ ਕਿ ਇਹ ਇੰਨੀ ਲੋਕਪਿ੍ਰਅ ਹੋ ਜਾਵੇਗੀ। ਜਦੋਂ ਮੈਂ ਫ਼ਿਲਮ ਦੇਖੀ ਤਾਂ ਵੀ ਮੈਨੂੰ ਸਮਝ ਨਹੀਂ ਆਇਆ। ਹਾਂ ਇਹ ਮਜ਼ੇਦਾਰ ਸੀ ਪਰ ਸਾਡੇ ’ਚੋਂ ਕਿਸੇ ਨੇ ਵੀ ਉਮੀਦ ਨਹੀਂ ਕੀਤੀ ਕਿ ‘ਬਾਬੂ ਬਈਆ’, ਰਾਜੂ ਅਤੇ ਸ਼ਾਮ ਦੇ ਕਿਰਦਾਰ ਇੰਨੇ ਲੋਕਪਿ੍ਰਅ ਹੋ ਜਾਣਗੇ।

ਇਸ ਖ਼ਬਰ ਨੇ ‘ਹੇਰਾ ਫੇਰੀ’ ਦੇ ਪ੍ਰਸ਼ੰਸਕਾਂ ਦੇ ’ਚ ਖ਼ੁਸ਼ੀ ਦੀ ਲਹਿਰ ਫੈਲਾਅ ਦਿੱਤੀ ਹੈ ਅਤੇ ਚੱਲ ਰਹੀ ਉਮੀਦ ’ਚ ਵੀ ਵਾਧਾ ਕੀਤਾ ਹੈ। ਫ਼ਿਲਹਾਲ ਅਜੇ ਤੱਕ ਫ਼ਿਲਮ ਦੀ ਸ਼ੂਟਿੰਗ ਅਤੇ ਰਿਲੀਜ਼ ਦਾ ਸ਼ੈਡਿਊਲ ਅਧਿਕਾਰਤ ਤੌਰ ’ਤੇ ਤੈਅ ਨਹੀਂ ਹੋਇਆ ਹੈ।