ਕ੍ਰਿਕਟਰ ਤੇ ਉਨ੍ਹਾਂ ਦੇ ਰੈਸਟੋਰੈਂਟ

Jasmine Singh

ਕ੍ਰਿਕਟ ਦੇ ਸਟਾਰ ਯੁਵਰਾਜ ਸਿੰਘ ਖੇਡ ਮੈਦਾਨ ਤੋਂ ਬਾਹਰ ਰਸੋਈ ਦੇ ਖੇਤਰ ਵਿੱਚ ਤਹਿਲਕਾ ਮਚਾਉਣ ਲਈ ਉਤਰ ਰਹੇ ਹਨ। ਇਸ ਦੀ ਸ਼ੁਰੂਆਤ ਉਹ ਕੋਕਾ ਨਾਂਅ ਦੇ ਇਕ ਆਧੁਨਿਕ ਸਟਾਈਲਿਸ਼ ਅਤੇ ਆਰਾਮਦਾਇਕ ਰੈਸਟੋਰੈਂਟ ਨਾਲ ਕਰ ਰਹੇ ਹਨ। ਜਿਹੜਾ ਦਿੱਲੀ ਦੇ ਨਾਲ ਲੱਗਦੇ ਗੁਰੂ ਰਾਮ ਵਿੱਚ ਸਥਿਤ ਹੈ। ਇਸ ਸਾਬਕਾ ਕ੍ਰਿਕਟਰ ਨੇ ਆਪਣੇ ਜੋਸ਼ ਅਤੇ ਉਤਸ਼ਾਹ ਨੂੰ ਇਕ ਨਵੇਂ ਜਨੂੰਨ ਅਰਥਾਤ ਭੋਜਨ 'ਚ ਤਬਦੀਲ ਕਰਨ ਦਾ ਫ਼ੈਸਲਾ ਕੀਤਾ ਹੈ।

ਯੁਵਰਾਜ ਦਿਲ ਮਨ ਤੋਂ ਪ੍ਰਾਹੁਣਚਾਰੀ ਦੇ ਇਸ ਖੇਤਰ 'ਚ ਪ੍ਰਵੇਸ਼ ਕਰ ਰਿਹਾ ਹੈ। ਉਸ ਦੇ ਰੈਸਟੋਰੈਂਟ 'ਚ ਕ੍ਰਿਕਟਰ ਦੀ ਇਕ ਨਿੱਜੀ ਯਾਤਰਾ ਦੀ ਝਲਕ ਵੀ ਪੇਸ਼ ਹੋਵੇਗੀ,ਜਿਸ 'ਚ ਬਚਪਨ ਦੇ ਮਨਪਸੰਦ ਖਾਣਿਆਂ ਤੋਂ ਲੈ ਕੇ ਕ੍ਰਿਕਟ ਦੇ ਸੰਘਰਸ਼ਮਈ ਪੜਾਅ ਸਮੇਂ ਦੇ ਪਕਵਾਨ ਸ਼ਾਮਲ ਹੋਣਗੇ। ਇਸ ਤੋਂ ਪਹਿਲਾਂ ਵਿਰਾਟ ਕੋਹਲੀ ਵੀ ਭੋਜਨਸ਼ਾਲਾ ਦੇ ਕਈ ਭਾਰਤੀ ਸ਼ਹਿਰਾਂ 'ਚ ਚਰਚਿਤ ਹੈ ਅਤੇ ਸੁਰੇਸ਼ ਰੈਨਾ ਦਾ ਐਮਸਟਡਮ ਸਥਿਤ ਰੈਸਟੋਰੈਂਟ ਵਿਦੇਸ਼ਾਂ 'ਚ ਭਾਰਤੀ ਸਵਾਦ ਦੀ ਗਵਾਹੀ ਭਰਦਾ ਹੈ। ਸਚਿਨ ਤੇਂਦੁਲਕਰ ਅਤੇ ਜ਼ਹਿਰ ਖਾਨ ਵੀ ਇਸ ਖੇਤਰ 'ਚ ਉੱਦਮ ਕਰ ਚੁੱਕੇ ਹਨ।