ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇੰਡਸਟਰੀਆਂ, ਨਾਗਰਿਕਾਂ ਅਤੇ ਇੰਡੀਜਨਸ ਗਰੁੱਪਸ ਨੂੰ ਅਪੀਲ ਕੀਤੀ ਹੈ ਕਿ, ਕੈਨੇਡਾ ਦੀ ਵਾਤਾਵਰਨ ਸੰਬੰਧੀ ਨੀਤੀ ਦੇ ਭਵਿੱਖ ਨੂੰ ਬੇਹਤਰ ਰੂਪਰੇਖਾ ਦੇਣ ਲਈ ਮਦਦ ਕੀਤੀ ਜਾਵੇ। ਟੋਰੌਂਟੋ 'ਚ ਇੱਕ ਅਹਿਮ ਮਾਈਨਿੰਗ ਕਾਨਫਰੰਸ 'ਚ ਗੱਲਬਾਤ ਕਰਦੇ ਹੋਏ, ਟਰੂਡੋ ਨੇ ਕਿਹਾ ਕਿ, ਸਰਕਾਰ ਜਲਦੀ ਹੀ ਇੱਕ ਰਸਮੀ ਪਹਿਲ ਦੀ ਸ਼ੁਰੂਆਤ ਕਰੇਗੀ, ਜਿਸਦੇ ਆਸਰੇ ਕਿ ਵੱਖੋ ਵੱਖਰੇ ਗਰੁੱਪਸ ਦੇ ਇਨਪੁਟ ਨੂੰ ਵੇਖਿਆ ਜਾਵੇਗਾ, ਤਾਂ ਜੋ ਕੈਨੇਡਾ ਸਾਲ 2050 ਤਕ, ਆਪਣੇ ਨੈਟ ਜ਼ੀਰੋ ਕਾਰਬਨ ਐਮਿਸ਼ਨਸ ਪਲੈਨ ਨੂੰ ਪੂਰਾ ਕਰ ਸਕੇ। ਉਨ੍ਹਾਂ ਕਿਹਾ ਕਿ ਅੱਗੇ ਦਾ ਰਸਤਾ ਬੇਹਦ ਅਹਿਮ ਹੈ, ਅਤੇ ਇਸਦੀ ਅਹਿਮੀਅਤ ਇਸ ਗ੍ਰਹਿ ਲਈ ਵੀ ਹੈ, ਅਤੇ ਇਸਦੀ ਮਹੱਤਤਾ ਵਪਾਰਾਂ ਦੇ ਲਈ ਵੀ ਹੈ। ਟਰੂਡੋ ਨੇ ਇੱਕ ਚਿੱਠੀ ਬਾਰੇ ਦੱਸਿਆ, ਜੋ ਕਿ ਬਲੈਕਰੌਕ ਇੰਕਲੂਸਿਵ ਦੇ ਸੀ.ਈ.ਓ. ਨੇ ਲਿਖੀ ਸੀ, ਅਤੇ ਇਸਦੇ ਵਿੱਚ ਮੌਸਮੀ ਤਬਦੀਲੀਆਂ ਬਾਰੇ ਸਵਾਲ ਕੀਤੇ ਸਨ। ਤਰੁਸੋ ਨੇ ਕਿਹਾ ਕਿ ਕੈਨੇਡਾ ਨੂੰ ਸਾਂਝੀ ਜਮੀਨ ਤਲਾਸ਼ਣ ਦੀ ਲੋੜ ਹੈ, ਤਾਂ ਜੋ ਅੱਗੇ ਵਧਦੇ ਸਮੇਂ, ਵਾਤਾਵਰਨ ਅਤੇ ਇਕਾਨਮੀ, ਦੋਨਾਂ ਦਾ ਖਿਆਲ ਰੱਖਿਆ ਜਾ ਸਕੇ।

ਕੈਨੇਡਾ ਦੀ ਘੁੜਸਵਾਰ ਕੈਥਰੀਨ ਮੋਰੇਲ ਅਤੇ ਉਨ੍ਹਾਂ ਦੇ ਘੋੜੇ, ਕੈਰੀ ਔਨ ਦੀ ਜਾਨ ਚਲੀ ਗਈ ਹੈ।

ਬੀ.ਸੀ. ਦੀ ਐਨ.ਡੀ.ਪੀ. ਸਰਕਾਰ ਇੱਕ ਨਵਾਂ ਕਾਨੂੰਨ ਲਿਆ ਰਹੀ ਹੈ, ਜੋ ਅੱਗੇ ਵਾਸਤੇ ਕਿਸੇਵੀ ਸਰਕਾਰ ਨੂੰ ਆਈ.ਸੀ.ਬੀ.ਸੀ. ਤੋਂ ਪੈਸੇ ਕੱਢਣ ਤੋਂ ਰੋਕੇਗਾ।

ਵੈਟ'ਸੁਵੈਟ'ਐਨ ਇਲਾਕੇ ਵਿੱਚੋਂ ਹੋਕੇ ਲੰਘਣ ਵਾਲੀ ਪਾਈਪਲਾਈਨ ਬਣਾਉਣ ਵਾਲੀ ਕੰਪਨੀ ਨੇ ਐਲਾਨ ਕੀਤਾ ਹੈ ਕਿ ਕੁਝ ਦਿਨਾਂ ਤਕ ਕੰਮ ਰੋਕੇ ਜਾਣ ਤੋਂ ਬਾਅਦ, ਹੁਣ ਪਾਈਪਲਾਈਨ ਬਣਾਉਣ ਦਾ ਕੰਮ ਇੱਕ ਵਾਰ ਫੇਰ ਜਾਰੀ ਰਹੇਗਾ।

ਓਂਟਾਰੀਓ ਵਿੱਚ ਕੋਵਿੱਡ-19 ਦੇ 3 ਨਵੇਂ ਕੇਸ ਉੱਭਰਕੇ ਸਾਹਮਣੇ ਆਏ ਹਨ ਜਿਸ ਨਾਲ ਸੂਬੇ ਵਿੱਚ ਵਾਇਰਸ ਤੋਂ ਪੀੜਤ ਵਿਅਕਤੀਆਂ ਦੀ ਗਿਣਤੀ ਹੁਣ 18 ਹੋ ਗਈ ਹੈ।

ਲੰਬੇ ਸਮੇਂ ਤੋਂ ਲਿਬਰਲ ਐੱਮ.ਐੱਲ.ਏ ਅਤੇ ਸਾਬਕਾ ਕੈਬਨਿਟ ਮੰਤਰੀ ਰਿਚ ਕੋਲਮੈਨ ਨੇ ਵੀਕੈਂਡ ਦੌਰਾਨ ਇਹ ਐਲਾਨ ਕੀਤਾ ਕਿ ਉਹ ਰਿਟਾਇਰ ਹੋ ਰਹੇ ਹਨ ਅਤੇ ਦੁਬਾਰਾ ਚੋਣਾਂ ਵਿੱਚ ਨਹੀਂ ਖੜ੍ਹੇ ਹੋਣਗੇ।

ਵਾਸ਼ਿੰਗਟਨ ਸਟੇਟ ਦੇ ਸਿਹਤ ਅਧਿਕਾਰੀਆਂ ਮੁਤਾਬਕ ਕਰੋਨਾਵਾਇਰਸ ਤੋਂ ਪੀੜਤ ਦੂਸਰੇ ਵਿਅਕਤੀ ਦੀ ਜਾਨ ਚਲੀ ਗਈ ਹੈ।

ਐਤਵਾਰ ਨੂੰ ਟਰਾਂਟੋ ਵਿੱਚ ਕਰੋਨਾਵਾਇਰਸ ਦੇ ਚਾਰ ਨਵੇਂ ਮਾਮਲੇ ਸਾਹਮਣੇ ਆਉਣ ਤੋਂ ਬਾਅਦ ਹੁਣ ਕੈਨੇਡਾ ਵਿੱਚ ਇਸ ਵਾਇਰਸ ਨਾਲ ਪੀੜਤ ਮਰੀਜ਼ਾਂ ਦੀ ਕੁਲ ਗਿਣਤੀ 24 ਹੋ ਗਈ ਹੈ।

ਵੈਟ’ਸੂਵੈਟ’ਨ ਦੇ ਇੱਕ ਰਵਾਇਤੀ ਮੁਖੀ ਅਤੇ ਸਰਕਾਰ ਦੇ ਸੀਨੀਅਰ ਮੰਤਰੀਆਂ ਦਾ ਕਹਿਣਾ ਹੈ ਕਿ ਪਾਈਪਲਾਈਨ ਵਿਵਾਦ ਦੇ ਸੰਬੰਧ ਵਿੱਚ ਦੋਨੋਂ ਧਿਰਾਂ ਵਿਚਕਾਰ ਇੱਕ ਪ੍ਰਸਤਾਵਿਤ ਸਮਝੌਤਾ ਹੋ ਗਿਆ ਹੈ।